“Real Sosyedad” yanvarın 20-də çempionat oyununda “Selta”nı səfərdə məğlub etmişdi.

"Football-plus.az" xəbər verir ki, srağagün keçirilən kubok oyununda da qalisiyalılar qələbə qazana bilmədi. Basklar yenə daha yaxşı təsir bağışladı və bunun da məntiqi nəticəsi kimi qələbə qazandı. Oyarsabalın erkən qolu ilə irəli çıxan qonaqlar hissənin sonunda Tirnini zədə üzündən itirsələr də, 2-ci hissədə daha bir qol vurdular. Komandalar arasında aşkar səviyyə fərqi var idi. Düzdü, Rafael Benitesin komandası nəsə etməyə çalışırdı, Aspas və Svedberq daim hücuma can atırdı. Sadəcə, meydanda üz-üzə gələn tərəflərdən birinin Çempionlar Liqasının iştirakçısı olduğu, digərinin isə elitada yerini qorumağa çalışdığı görünürdü. Bəli, “Selta”nın avrokuboklara kubok vasitəsi ilə qatılmaq arzusu suya düşdü. Amma indi viqolular diqqətini elitada qalmaq uğrunda mübarizəyə yönəltməlidi. İnsafən, onların qanında əzmkarlıq, sona qədər mübarizə aparmaq həvəsi var. Belə olmasaydı, 2-ci uzatma dəqiqəsində təsəlli qolunu vurmazdılar.

1/4 final
Selta – Real Sosyedad 1:2
De la Torre, 90+2 – Oyarsabal, 2. Bekker, 66.
Real Sosyedad: Remiro, Aramburu, Subeldiya, Le Norman, Tirni (Elustondo, 39), Subimendi, Merino, Mendes (Paçeko, 78), Bekker (Sadik, 78), Oyarsabal (Maqunaselayya, 90), Silva (Zaxaryan, 46).
Malyorka – Jirona 3:2
Larin, 21. Prats, 28; 35 – Stuani, 68-p. Savio, 90+6.
Atletik – Barselona 4:2, əlavə vaxtda
Quruseta, 1. Sanset, 49. İ.Uilyams, 105+2. N.Uilyams, 120+1 – Levandovski, 26. Yamal, 32.
“Atletiko” – “Sevilya” oyunu bu gün keçiriləcək.