A seriyasının 30-cu turunda qeydə alınan nəticələr turnir cədvəlinin ən yüksək pillələrini tutan əksər komandalar üçün uğurlu alındı.

"Football-plus.az" xəbər verir ki, “İnter” zirvədəki, “Napoli” isə 2-ci yerdəki yerini qorudu. İtaliyanın son çempionu evdə “Udineze”dən maksimum xal aldı. Amma qələbə milanlılara heç də asan başa gəlmədi. Doğrudu, zədəli Lautaro Martinesin yoxluğunda Arnautoviç ilə Frattezinin qolları Simone İnzaqinin komandasının fasiləyə inamlı üstünlüklə yollanmasını təmin etdi. Amma qonaqların 71-ci dəqiqədə fərqi minimuma endirməsi qalan vaxtda milanlıların işini çətinə saldı. Buna baxmayaraq, vacib qələbəni əldən verməyən son çempion liderliyini qorudu.

Əvvəlki 7 turda yalnız 8 xal qazana bilən “Napoli” bu dəfə büdrəmədi. Halbuki cənublular evdə “Milan”a qarşı oynadılar. Politano ilə Lukakunun qolları neapolluların fasiləyə iki topluq üstünlüklə yollanmasını təmin etdi. Milanlıların sona yaxın fərqi azaltması matça intriqa gətirsə də, Antonio Kontenin komandası lider ilə 3 xallıq fərqin artmasına imkan vermədi və 2-ci yerdəki mövqeyini qorudu.

“Napoli” artıq əsas izləyicisi “Atalanta”nı 6 xal qabaqlayır. Ona görə ki, berqamolular Florensiya səfərindən əliboş qayıtdılar. Amma “Fiorentina”ya minimalhesablı məğlubiyyət Can Pyero Qasperininin komandasının 3-cü yerdəki mövqeyinə təsir etmədi.
Fərq ondadı ki, Venetsiya səfərindən maksimum nəticə ilə dönən “Bolonya” indi “Atalanta”dan yalnız 2 xal geri qalır. Tura 5-ci yerdə başlayan “Yuventus” isə berqamolularla xal fərqini 3-ə endirdi.

“Fiorentina” (0:3) və “Atalanta” (0:4) ilə əvvəlki oyunlardakı biabırçı məğlubiyyətlər Tyaqo Mottanın istefaya göndərilməsini qaçılmaz edib. Komandaya bu mövsümün əvvəlindən başçılıq edən mütəxəssisin yerini İqor Tudor tutub. “Yuventus”a 1998-2007-ci illərdə futbolçu, 2020-21-ci illərdə isə məşqçi kimi xidmət edən 46 yaşlı xorvatiyalı debüt oyununda “Cenoa” üzərində minimalhesablı qələbəyə sevindi.

30-cu tur
Venetsiya – Bolonya 0:1
Orsolini, 49. (10000)
Bolonya: Skorupski, Miranda, Kazale, Beukema, Kalabriya (Holm, 74), Fröyler (Pobeqa, 74), Ferqyuson, Kambyaqi (Ndoy, 66), Odqor, Orsolini (Pedrola, 82), Dallinqa (Fabbian, 82).

Yuventus – Cenoa 1:0
Yıldız, 25. (40219)
Yuventus: Di Qreqorio, Qatti (Kalulu, 27), Kelli, Veyqa, Lokatelli, K.Türam, Makkenni, Qonsales (Vea, 82), Koopmeyners (Konseysao, 66), Yıldız, Vlahoviç.

Leççe – Roma 0:1
Dovbik, 80. (27207)
Roma: Svilar, Ndika, Hummels, Mançini, Anxelinyo, Kone, Kristante, Salemakers (Pizilli, 84), Lorentso Pelleqrini (Baldantsi, 72), Sule (Şomurodov, 72), Dovbik (Əl-Şaaravi, 84).

Fiorentina – Atalanta 1:0
Ken, 45. (20409)
Fiorentina: De Xea, Ponqraçiç, Mari, Ranyeri, Dodo (Komutso, 84), Facoli (Riçardson, 84), Kataldi, Mandraqora, Parizi (Folorunşo, 71), Qudmundsson (Beltran, 67), Ken (Zanyolo, 84).
Atalanta: Karnesekki, Kolaşinats, Hin, Cimşiti, Zappakosta (Rucceri, 75), Paşaliç (Kuadrado, 75), Bellanova, De Roon, De Ketelare (Breşianini, 65), Lukman (Maldini, 55), Retegi (Samarciç, 55).

İnter – Udineze 2:1
Arnautoviç, 12. Frattezi, 29 – Sole, 71. (71924)
İnter: Zommer, Açerbi, Pavar, Auqusto, Darmian (Zalevski, 76), Dimarko (Bissek, 76), Mxitaryan, Frattezi (Barella, 64), Çalhanoğlu (Asllani, 64), Arnautoviç (Korrea, 55), M.Türam.

Napoli – Milan 2:1
Politano, 2. Lukaku, 19 – Yoviç, 84. (52836)
Napoli: Meret, Olivera, Buoncorno, Rrahmani, Di Lorentso, Lobotka (Juan Jezus, 81), Gilmor, Zambo Angissa (Billinq, 65), Neres (Matsokki, 85), Politano (Nqonq, 85), Lukaku (Simeone, 85).
Milan: Menyan, Ernandes, Pavloviç, Qabbya, Uoker (A.Ximenes, 80), Bondo (Leao, 46), Fofana, Reynders, Feliş (S.Ximenes, 55), Pulişiç (Yoviç, 80), Abraham (Çukvueze, 55).

Latsio – Torino 1:1
Maruşiç, 57 – Qineytis, 87. (37000)
Latsio: Provedel, Maruşiç, Romanyoli, Jiqo, Hüsay (Luka Pelleqrini, 73), Rovella, Genduzi, İsaksen (Çauna, 89), Dia (Noslin, 66), Zakkanyi, Pedro (Dele Başiru, 73).

Komo – Empoli 1:1
Duvikas, 61 – Kuame, 75. (10118)

Kalyari – Montsa 3:0
Viola, 49. Qaetano, 73. Luvumbu, 90+1. (16139)
Verona – Parma 0:0
(22706)

1. İnter 30 20 7 3 67-28 67
2. Napoli 30 19 7 4 47-24 64
3. Atalanta 30 17 7 6 63-29 58
4. Bolonya 30 15 11 4 50-34 56
5. Yuventus 30 14 13 3 46-28 55
6. Roma 30 15 7 8 45-30 52
7. Latsio 30 15 7 8 51-42 52
8. Fiorentina 30 15 6 9 47-30 51
9. Milan 30 13 8 9 45-35 47
10. Udineze 30 11 7 12 36-41 40
11. Torino 30 9 12 9 35-35 39
12. Cenoa 30 8 11 11 28-38 35
13. Komo 30 7 9 14 36-47 30
14. Verona 30 9 3 18 29-58 30
15. Kalyari 30 7 8 15 31-44 29
16. Parma 30 5 11 14 35-49 26
17. Leççe 30 6 7 17 21-49 25
18. Empoli 30 4 11 15 24-47 23
19. Venetsiya 30 3 11 16 23-43 20
20. Montsa 30 2 9 19 24-52 15

Bombardirlər: Retegi (Atalanta) - 22, Ken (Fiorentina) - 16, Lukman (Atalanta), M.Türam (İnter) - 13.

Növbəti turun oyunları aprelin 4-7-si aralığında keçiriləcək: Cenoa - Udineze, Montsa – Komo, Parma - İnter, Milan – Fiorentina, Leççe – Venetsiya, Empoli - Kalyari, Torino – Verona, Atalanta – Latsio, Roma – Yuventus, Bolonya - Napoli.

Turun rəqəmi
400 - “Milan”la oyun Romelu Lukaku üçün əlamətdar oldu. “Napoli”nin 31 yaşlı belçikalı hücumçusu peşəkar karyerasında 400-cü qolunu vurdu. Lukaku Belçika yığmasında 88, “Everton”da 87, “İnter”də 78, “Mançester Yunayted”də 42, “Anderlext”də 41, “Roma”da 21, “Çelsi”də 15, “Vest Bromviç”də 17, “Napoli”də isə 11 dəfə qapıya yol tapıb.

Turun ulduzu
Matteo Politano (Napoli) - “Napoli”nin üç oyunçusu “Milan”a qarşı əla oyun sərgilədi. Onların arasında ilk qolu vuran Politanonu fərqləndirmək olar. İtaliyalı yarımmüdafiəçi vacib oyunun lap əvvəlində rəqibin cərimə meydançasında əldə etdiyi fürsəti boşa verməyərək hesabı erkən açdı. Məhz Matteonun vurduğu qol komandasına rasional oynamaq imkanı verdi. Neapollular sonda istəyinə çatmaqla çempionluq uğrunda mübarizəni davam etdirdilər.

Turun sitatı
Can Pyero Qasperini, “Atalanta”nın baş məşqçisi: