A seriyasının 11-ci turunda ən yaddaqalan hadisə Neapolda baş verdi. Uzun müddət liderlik mövqeyində olan “Napoli” öz meydanında uduzdu. Uduzdu nədi, darmadağına məruz qaldı. Amma cənublular mövqeyində qaldılar.

Turun mərkəzi oyununda həqiqətən də, ciddi rəqabət yaşanmadı. Halbuki neapolluların evdə ən pis halda bir xal qazanmaq ehtimalı yüksək dəyərləndirilirdi. Lakin “Atalanta” meydana maksimum nəticə üçün çıxdığını ilk dəqiqələrdən göstərdi. Artıq 10-cu dəqiqədə Lukman De Ketelarenin ötürməsi ilə hesabı açdı. Bu futbolçular 21 dəqiqə sonra daha bir qol təşkil etdilər. İlk hissəni iki top fərqi ilə başa vuran neapollular hücumda yaddaqalan nəsə edə bilmirdilər. Bu, azmış kimi müdafiə xəttində səhvlərə yol verirdilər. Bunun əsas səbəbi isə berqamoluların çox yaxşı oynaması, meydanın hər qarışı uğrunda mübarzədə barışmaz mövqe tutması oldu. Son dəqiqələrdə hesabı darmadağın həddinə çatdıran “Atalanta” çətin səfərdə inamlı qələbə qazanmaqla çempionluq yarışında intriqanı gücləndirdi.

“Napoli” artıq əsas izləyicisini yalnız bir xal qabaqlayır. Çünki “İnter” evdə “Venetsiya” üzərində gözlənilən qələbəni qazandı. Doğrudu, son çempion autsayderlərdən birini yalnız Lautaro Martinesin vurduğu yeganə qolla məğlub etdi. Amma buna görə milanlıları qınamaq da olmur. Simone İnzaqinin komandasının Çempionlar Liqasında “Arsenal” ilə vacib oyun ərəfəsində özünü çox da yormaq istəməməsi başadüşüləndi. Amma venetsiyalıların çətin səfərdə əla müdafiə olunduqlarını da qeyd etməliyik.

“Atalanta” kimi “Fiorentina”da yüksəlişdədi. Turin səfərində minimal üstünlük qazanan florensiyalılar da ardıcıl 5-ci qələbə ilə xalını 22-yə yüksəltdilər.

Tur “Yuventus” və “Milan” üçün də uğurlu alındı. Amma ölkə nəhəngləri indi turnir cədvəlində heç də adına və tarixinə uyğun yerdə deyillər. Bu isə turinlilərlə milanlıların cari mövsümdə həddən artıq xal itirməsinə görədi.

Paytaxtın eyniadlı klubu isə, necə deyərlər, gah nala, gah da mıxa vurur. “Roma”nın Veronaya səfəri uğursuz alındı. İvan Yuriçin sentyabrdan çalışdırdığı komanda yenə cədvəlin ikinci “10-luğ”una düşdü.

11-ci tur
Napoli - Atalanta 0:3
Lukman, 10; 31. Retegi, 90+2. (50873)
Napoli: Meret, Olivera (Spinatsola, 76), Buoncorno, Rrahmani, Di Lorentso, Maktominey, Gilmor (Raspadori, 62), Zambo Angissa, Kvaratsxeliya (Neres, 71), Politano (Nqonq, 62), Lukaku (Simeone, 76).
Atalanta: Karnesekki, Kolaşinats (Kossunu, 71), Cimşiti, Hin, Rucceri, De Roon, Ederson, Zappakosta (Bellanova, 82), De Ketelare (Samarciç, 76), Paşaliç (Breşianini, 82), Lukman (Retegi, 76).

Torino - Fiorentina 0:1
Ken, 41. (23326)
Fiorentina: De Xea, Qosens, Ranyeri, Dodo, Komutso, Bove, Riçardson (Adli, 63), Sottil (Kuame, 64), Beltran (Mandraqora, 75), Kolpani (İkone, 63), Ken (Biraqi, 85).

Udineze – Yuventus 0:2
Okoye, 19-öz qapısına. Savona, 37. (24990)
Yuventus: Di Qreqorio, Savona (Kabal, 80), Kalulu, Qatti, Kambyaso (Danilo, 81), K.Türam (Makkenni, 70), Lokatelli, Koopmeyners, Yıldız, Vea (Mbanqula, 87), D.Vlahoviç (Konseysao, 71).

Montsa - Milan 0:1
Reynders, 43. (17000)
Milan: Menyan, F.Terraçano (Kalabriya, 89), Pavloviç, Tiav, Ernandes, Reynders, Fofana, Okafor (Leao, 63), Pulişiç (Musa, 63), Çukvueze (Loftus-Çik, 81), Morata.

Bolonya - Leççe 1:0
Orsolini, 85. (25000)
Bolonya: Ravalya, Miranda, Lukumi, Beukema, De Silvestri (Poş, 82), Moro (Urbanski, 58), Fröyler (Ferqyuson, 82), Ndoy, Odqor (Dallinqa, 58), Orsolini, Kastro (Fabbian, 69).

Verona – Roma 3:2
Tenqstedt, 13. Manyani, 34. Harrui, 88 - Sule, 28. Dovbik, 53. (28185)
Roma: Svilar, Anxelinyo, Ndika, Mançini, Zalevski (Əl-Şaaravi, 67), Kone (Paredes, 81), Çelik, Le Fe (Kristante, 67), Sule (Dibala, 67), Lorentso Pelleqrini, Dovbik (Baldantsi, 74).

İnter - Venetsiya 1:0
Lautaro Martines, 65. (66326)
İnter: Zommer, Dimarko (Darmian, 65), Pavar, De Vrey, A.Bastoni (Bissek, 70), Dyumfris, Barella (Çalhanoğlu, 70), Mxitaryan, Zyelinski (Frattezi, 84), Lautaro Martines (Taremi, 70), M.Türam.

Empoli – Komo 1:0
Pelleqri, 47.

Parma – Cenoa 0:1
Pinamonti, 80.

Latsio – Kalyari 2:1
Dia, 2. Zakkanyi, 75 – Luvumbu, 41.

1. Napoli 11 8 1 2 18-8 25
2. İnter 11 7 3 1 25-13 24
3. Atalanta 11 7 1 3 29-14 22
4. Fiorentina 11 6 4 1 22-9 22
5. Latsio 11 7 1 3 24-14 22
6. Yuventus 11 5 6 0 19-7 21
7. Milan 10 5 2 3 17-11 17
8. Udineze 11 5 1 5 14-16 16
9. Bolonya 10 3 6 1 12-11 15
10. Torino 11 4 2 5 15-16 14
11. Empoli 11 3 5 3 8-9 14
12. Roma 11 3 4 4 12-14 13
13. Verona 11 4 0 7 16-24 12
14. Parma 11 1 6 4 14-17 9
15. Komo 11 2 3 6 12-22 9
16. Kalyari 11 2 3 6 9-19 9
17. Cenoa 11 2 3 6 8-21 9
18. Montsa 11 1 5 5 10-14 8
19. Venetsiya 11 2 2 7 10-19 8
20. Leççe 11 2 2 7 4-20 8

Bombardirlər: Retegi (Atalanta) - 11, M.Türam (İnter) - 7, Lukman (Atalanta), D.Vlahoviç (Yuventus) - 6.

Növbəti turun oyunları noyabrın 7-10-u aralığında keçiriləcək: Cenoa - Komo, Leççe - Empoli, Venetsiya - Parma, Kalyari - Milan, Yuventus – Torino, Atalanta - Udineze, Fiorentina- Verona, Roma- Bolonya, Montsa – Latsio, İnter – Napoli.

Turun rəqəmi
9 – “Napoli” çempionatda iki ayyarım müddətdən sonra uduzdu. Cənubluların 9 oyunluq məğlubiyyətsiz seriyası qırıldı. Maraqlıdı ki, Kontenin komandası ilk turun “Verona” ilə səfər oyununda da üç cavabsız qolla məğlub olmuşdu.

Turun ulduzu
Ademola Lukman (Atalanta) – Neapolda nəticəni böyük ölçüdə nigeriyalı hücumçu həll etdi. Məhz Lukmanın ilk hissədə vurduğu iki qol matçda intriqanı zəiflətdi. Ötən mövsüm Avropa Liqasının ən yaxşı oyunçusu seçilən 27 yaşlı Ademolanın bu mövsüm çempionatda zədə səbəbi ilə 8 dəfə meydana çıxdığını və qollarının sayını 6-ya çatdırdığın da qeyd edək.

Turun sitatı
Can Pyero Qasperini, “Atalanta”nın baş məşqçisi: