A seriyasının 32-ci turunda nəzərdə tutulan oyunlardan biri sona çatdırılmadı.

“Football-plus.az” xəbər verir ki, bazar günü keçirilən “Udineze” – “Roma” matçı ikinci hissədə hesab 1:1 olarkən dayandırıldı. Buna qonaqların oyunçusu Ndikanın qəfil özünü pis hiss etməsi səbəb oldu. Yaxşı ki, dərhal xəstəxanaya çatdırılan müdafiəçinin səhhətinin normallaşdığı xəbəri yayıldı.

Turun ən çox maraq doğuran matçı Turində baş tutdu. Son vaxtlar derbidə qələbə üzünə həsrət qalan “Torino” əzəli rəqibi “Yuventus”a yenə qalib gələ bilmədi. “Qırmızılar” ev oyununda yalnız bir xalla təskinlik tapdılar. Derbi emosiyaların aşıb-daşmasına baxmayaraq, qolsuz nəticələndi.

Turinlilərin bəxtindən əsas izləyicisi də qələbə qazana bilmədi. Gözünü Çempionlar Liqasına (ÇL) sonuncu vəsiqəni verən 4-cü yerə dikən “Bolonya” isə evdə “Montsa” ilə qolsuz “sülh”ə razılaşdı. Tyaqo Mottanın komandası iki xal itirməsinə baxmayaraq, mövqeyini əldən vermədi.

Əlbəttə, A seriyasının liderinin öz meydanında büdrəməsi xüsusi vurğulanmalıdı. “İnter” “Kalyari” ilə matçı aparıcı hücumçusu Lautaro Martinessiz keçirdi. Cəzalı olan argentinalı dünya çempionunun yoxluğunda Türam ilə Çalhanoğlu adını tabloya yazdırdılar. Lakin əks-hücumları çox təhlükəli alınan qonaqlar hər iki qolun cavabını verdilər - 2:2.

Tura 2-ci yerdə başlayan “Milan” isə səfər oyununda bir xal qazana bildi. B seriyasına düşmək istəməyən “Sassuolo” az qala rəqibindən maksimum xal alacaqdı. Davide Ballardininin yaxında təyinat aldığı komandası matçın gedişində 2:0 və 3:1 hesabıyla önə keçdi. Ötən cümə axşamı Avropa Liqasında “Roma”ya qarşı çətin oyun (0:1) keçirən milanlılar bu dəfə məğlubiyyətdən qaça bildilər. 3:3 hesabı Stefano Pyolinin komandasının turnir cədvəlindəki mövqeyini olduğu kimi saxladı.

Əvvəlki turda 3 oyunluq qələbəsizliyə son qoyan “Napoli” azarkeşlərini yenidən məyus etdi. İtaliyanın son çempionu evdə “Frozinone” ilə 2:2 hesabına razılaşdı. Əks halda neapollular “Çempionlar Liqası zonası”a bir qədər yaxınlaşa bilərdilər. Titulu itirəcəyi heç kimdə şübhə doğurmayan “Napoli” hazırda 4-cü yerdəki “Bolonya”dan 10 xal geridədi.

32-ci tur
Latsio – Salernitana 4:1
Felipe Anderson, 7; 35. Vesino, 14. İsaksen, 87 – Çauna, 16. (?????)
Latsio: Mandas, Xila (İsaksen, 84), Patrik, Kazale, Maruşiç (Hüsay, 58), Vesino (Rovella, 81), Kamada, Latsari, Luis Alberto (Kataldi, 80), Felipe Anderson, Kastelyanos (Pedro, 80).
Torino – Yuventus 0:0
Yuventus: Şçensnı, Danilo, Bremer, Qatti (Aleks Sandro, 78), Kostiç (Aylinq-Cunior, 64), Lokatelli, Rabyo, Makkenni, Kambyaso (Alkaras, 90+5), Kyeza (Yıldız, 64), Vlahoviç (Ken, 78).
Bolonya – Montsa 0:0
Bolonya: Skorupski, Kristensen, Lukumi, Beukema, Poş, Fröyler, Urbanski, Ferqyuson (Ndoye, 62), Ebişer, Orsolini, Zirkzee.
Napoli – Frozinone 2:2
Politano, 16. Osimhen, 63 - Şeddira, 50; 73. (51177)
Napoli: Meret, Ruy, Estiqor, Rrahmani, Di Lorentso, Zyelinski (Kayuste, 78), Lobotka, Zambo Angissa (Simeone, 85), Kvaratsxeliya, Politano (Raspadori, 77), Osimhen.
Sassuolo – Milan 3:3
Pinamonte, 4. Loryante, 10; 53 - Leao, 20. Yoviç, 59. Okafor, 84.
Milan: Sportyello, Ernandes, Tiav, Kyaer (Qabbya, 55), Florentsi, Adli (Okafor, 82), Musa (Reynders, 55), Leao, Loftus-Çik (Jiru, 55), Çukvueze (Pulişiç, 65), Yoviç.
İnter – Kalyari 2:2
Türam, 12. Çalhanoğlu, 74-p. – Şomurodov, 65. Viola, 83.
İnter: Zommer, A.Bastoni (Byukenen, 86), Açerbi, Bissek, Dimarko (Auqusto, 76), Darmian (Dyumfris, 76), Mxitaryan (Frattezi, 64), Çalhanoğlu, Barella, Türam, Sançes (Arnautoviç, 76).
Leççe – Empoli 1:0
Sansone, 89.
Fiorentina – Cenoa 1:1
İkone, 54 – Qudmundsson, 42-p.
Atalanta – Verona 2:2
Skamakka, 13. Ederson, 18 – Lazoviç, 56. Noslin, 60.
“Udineze” – “Roma” oyunu 2-ci hissədə dayandırılıb.

1. İnter 32 26 5 1 77-17 83
2. Milan 32 21 6 5 63-37 69
3. Yuventus 32 18 9 5 45-24 63
4. Bolonya 32 16 11 5 45-25 59
5. Roma 31 16 7 8 56-35 55
6. Atalanta 31 15 6 10 57-36 51
7. Latsio 32 15 4 13 41-35 49
8. Napoli 32 13 10 9 50-40 49
9. Torino 32 11 12 9 31-29 45
10. Fiorentina 31 12 8 11 43-36 44
11. Montsa 32 11 10 11 34-41 43
12. Cenoa 31 9 12 11 35-39 39
13. Leççe 32 7 11 14 27-48 32
14. Kalyari 32 7 10 15 34-54 31
15. Verona 32 6 10 16 30-44 28
16. Udineze 31 4 16 11 30-47 28
17. Empoli 32 7 7 18 25-48 28
18. Frozinone 32 6 9 17 40-63 27
19. Sassuolo 32 6 8 18 39-62 26
20. Salernitana 32 2 9 21 26-68 15
Bombardirlər: Lautaro Martines (İnter) - 23, Vlahoviç (Yuventus) - 15, Jiru (Milan), Osimhen (Napoli), Qudmundsson (Cenoa) - 13.
Növbəti turun oyunları aprelin 19-22-si aralığında keçiriləcək: Cenoa – Latsio, Kalyari - Yuventus, Empoli - Napoli, Verona – Udineze, Sassuolo – Leççe, Torino - Frozinone, Salernitana – Fiorentina, Montsa – Atalanta, Roma – Bolonya, Milan - İnter.

Turun rəqəmi
4 – bu mövsüm İtaliya çempionatında ilk dəfə belə fakt qeydə alındı: tura ilk 4 yerdə başlayan komandaların – “İnter”, “Milan”, “Yuventus” və “Bolonya”nın ümumi qazancı 4 xal oldu. Başqa sözlə, A seriyasının “Çempionlar Liqası zonası”nda “sülh” turu yaşandı.

Turun ulduzu
Arman Loryante (Sassuolo) - fransalı futbolçu komandasının “Milan”dan xal almasında böyük rol oynadı. Məhz Loryantenin vurduğu iki qol “Sassuolo”ya güclü rəqiblə matçda heç-heçə qazandırdı. 25 yaşlı hücumçunun ikinci mövsümünü keçirdiyi İtaliya çempionatında ikinci dəfə dubl etdiyini də bildirək.

Turun sitatı
Simone İnzaqi, “İnter”in baş məşqçisi: