A seriyasında 11-ci turda qeydə alınan nəticələrdən sonra “İnter” liderliyini qorudu.

"Football-plus.az" xəbər verir ki, Milanın eyniadlı digər komandası isə daha bir uğursuz nəticə ilə liderlər qrupundakı mövqeyini zəiflətdi.
“İnter” çətin Berqamo səfərinə çıxsa da, maksimum nəticəyə nail oldu. Simone İnzaqinin komandası “Atalanta” ilə matçda rəqibin kobud oyunu ilə üzləşdi. Nəticədə müdafiəçi Pavar zədələndi. Onun yerinə meydana çıxan Darmian isə qonaqlara penalti qazandırdı və Çalhanoğlu hesabı açdı. Effektli oyun sərgiləyən milanlılar fasilədən sonra Lautaro Martineslə daha bir qol vurdular. Argentinalı dünya çempionu bu mövsüm 12-ci qoluna sevinməklə bombardirlərin siyahısındakı liderliyini bir qədər də möhkəmləndirdi. Çox keçmədən ev sahibləri fərqi azaltsalar da, qalan vaxtda məğlubiyyətdən qaça bilmədilər.

Tura 2-ci yerdə başlayan “Yuventus” da çətin səfərə yollanmışdı. “Fiorentina” ilə matçda diqqəti əsasən müdafiəyə yönəldən turinlilər qolu əks-hücumda axtarmağa çalışdılar. Massimiliano Alleqrinin komandası məhz bu taktika sayəsində bir qol vuraraq ardıcıl 4-cü qələbəni qazanmaqla “İnter”lə 2 xallıq fərqin artmasına imkan vermədi.

Turun sensasiyası isə Milanda qeydə alındı. Eyniadlı komanda evdə bu mövsüm qələbə üzü görməyən “Udineze”dən xal ala bilmədi! Müxtəlif səbəblərdən heyətlə bağlı problemi olan “Milan”ın oyunboyu qapıya yol tapmaq üçün etdiyi cəhdlər heç bir nəticə vermədi. Bu azmış kimi, mübarizəyə 2-ci hissədə qoşulan Adli cərimə meydançasında Eboseleyə qarşı kobud oynayaraq penaltiyə səbəbkar oldu. Pereyra hesabı açandan sonra milanlıların rəqibi qapısına sıxışdıracağı gözlənilirdi. Bunu bacaran ölkə nəhəngi Silvestrinin qoruduğu qapıya heç cür yol tapa bilmədi. Son 3 oyunda yalnız 1 xal qazana bilən Stefano Pyolinin komandası liderdən 6 xal geri düşsə də, 3-cü yerdə qaldı.

“Atalanta”nın məğlubiyyəti daha çox “Napoli”nin işinə yaradı. Son çempion səfərdə “Salernitana”nın qapısından iki cavabsız top keçirməklə 4-cü yerə yüksəldi.

“Bolonya”nın 6-cı yerə çıxması isə təsadüfi deyil. Tyaqo Mottanın komandası evdə “Latsio”nu bir cavabsız qolla məğlub etdi. Paytaxtın digər komandası da az qala turu xalsız başa vuracaqdı. Ancaq “Roma” evdə “Leççe”dən son dəqiqələrdəki superəzmkarlığı ilə maksimum xal qopara bildi.

11-ci tur
Bolonya – Latsio 1:0
Ferqyuson, 46. (24178)
Latsio: Provedel, Maruşiç (Luka Pelleqrini, 48), A.Romanyoli, Patrik, Latsari, Luis Alberto, Rovella, Genduzi (Kamada, 81), Pedro (Zakkanyi, 57), Felipe Anderson (İsaksen, 81), Kastelyanos (İmmobile, 57).

Atalanta – İnter 1:2
Skamakka, 61 – Çalhanoğlu, 40-p. Lautaro Martines, 57. (14945)
Atalanta: Musso, Kolaşinats (Hatebur, 55), Skalvini (Toloy, 62), Cimşiti, Rucceri, Ederson, De Roon, Zappakosta (Paşaliç, 55), Lukmen (De Ketelare, 80), Koopmeyners (Muriel, 80), Skamakka.
İnter: Zommer, Açerbi, De Vrey, Pavar (Darmian, 33), Dimarko (Auqusto, 70), Dyumfris, Barella, Çalhanoğlu (Asllani, 86), Mxitaryan (Frattezi, 70), Lautaro Martines (Sançes, 86), Türam.

Milan – Udineze 0:1
Pereyra, 61-p. (71018)
Milan: Menyan, Florentsi, Tiav, Tomori, Kalabriya, Reynders (Loftus Çik, 67), Kruniç (Adli, 46), Musa (Romero, 82), Leao, Yoviç (Okafor, 82), Jiru.

Salernitana – Napoli 0:2
Raspadori, 13. Elmas, 82. (16812)
Napoli: Meret, Olivera, Rrahmani, Estiqor, Di Lorentso, Zambo Angissa, Lobotka, Zyelinski (Kayuste, 86), Kvaratsxeliya (Elmas, 67), Politano (Lindstrem, 77), Raspadori (Simeone, 67).

Roma – Leççe 2:1
Azmun, 90+1. Lukaku, 90+4 – Almkvist, 72. (64790)
Roma: Patrisio, Ndika, Lyorente, Mançini (Kristensen, 78), Karsdorp (Zalevski, 78), Bove (Sanşeş, 70), Kristante, Auar (Azmun, 73), Əl-Şaaravi (Belotti, 78), Dibala, Lukaku.

Fiorentina – Yuventus 0:1
Miretti, 10. (38225)
Fiorentina: Terraçano, Biraqi, Lukas Martines, Ranyeri (Mina, 89), Parizi, Mandraqora, Artur (İkone, 78), Kuame (Sottil, 78), Barak (Bonaventura, 79), Qonsales, Beltran (Nzola, 79).
Yuventus: Şçensnı, Qatti, Bremer, Ruqani, Kostiç, Lokatelli, Rabyo, Miretti (Kambyaso, 61), Makkenni, Ken (Kyeza, 68), Vlahoviç (Milik, 68).

Verona – Montsa 1:3
Folorunşo, 86 – Kolombo, 41; 73. Kaldirola, 84. (17505)

Kalyari – Cenoa 2:1
Viola, 48. Zappa, 69 – Qudmundsson, 51. (16412)

Frozinone – Empoli 2:1
Çuni, 58. İbrahimoviç, 74 – Kaputo, 86.

Torino – Sassuolo 2:1
Sanabriya, 5. Vlaşiç, 68 – Torstvedt, 18.

1. İnter 11 9 1 1 27-6 28
2. Yuventus 11 8 2 1 17-6 26
3. Milan 11 7 1 3 18-12 22
4. Napoli 11 6 3 2 24-12 21
5. Atalanta 11 6 1 4 19-10 19
6. Bolonya 11 4 6 1 12-8 18
7. Roma 11 5 2 4 22-14 17
8. Fiorentina 11 5 2 4 18-15 17
9. Montsa 11 4 4 3 12-10 16
10. Latsio 11 5 1 5 13-13 16
11. Frozinone 11 4 3 4 17-18 15
12. Torino 11 4 3 4 9-13 15
13. Leççe 11 3 4 4 11-14 13
14. Cenoa 11 3 2 6 12-16 11
15. Sassuolo 11 3 2 6 14-19 11
16. Udineze 11 1 7 3 7-14 10
17. Kalyari 11 2 3 6 11-22 9
18. Verona 11 2 2 7 7-15 8
19. Empoli 11 2 1 8 4-21 7
20. Salernitana 11 0 4 7 6-22 4

Bombardirlər: Lautaro Martines (İnter) - 12, Jiru (Milan), Lukaku (Roma), Osimhen (Napoli) - 6.
Növbəti turun oyunları noyabrın 10-12-si aralığında keçiriləcək: Sassuolo – Salernitana, Cenoa – Verona, Leççe - Milan, Yuventus - Kalyari, Montsa - Torino, Napoli - Empoli, Fiorentina – Bolonya, Udineze - Atalanta, Latsio – Roma, İnter - Frozinone.

Turun rəqəmi
11 - “Milan”ın çempionatdakı qələbəsiz oyunlar seriyası 3-ə çatdı. Lombardiya komandası 11 ildən sonra öz meydanında ilk dəfə ardıcıl iki oyunda qol vurmadan məğlub oldu.

Turun ulduzu
Marko Silvestri (Udineze) – Milandakı oyunda turun sensasiyasının reallaşmasında rol oynadı. Silvestri bir neçə epizodda effektli seyvləri ilə komandasının ilk qələbəsinə böyük töhfə verdi. Markonun Jirunun təhlükəli zərbəsinə verdiyi möhtəşəm reaksiyanı dəfələrlə izləməyə dəyərdi.