“Oyunçulardan ikisinin qızdırması var idi” - baş məşqçi 0:10-a belə haqq qazandırdı
Futbol üzrə ölkə çempionatının 2-ci liqasının 17-ci turunda qol yağış kimi yağdı. Xüsusən də “Araz Saatlı” – “Şəfa” oyununda.
Paytaxt klubu Saatlıda meydan sahiblərinin qapısından 10 cavabsız top keçirdi. Düzdü, “Araz Saatlı” Ramiz Qasımovun 56-cı dəqiqədə birbaşa “qırmızı” ilə qovulması üzündən azlıqda qaldı. Həmin vaxt isə hesab artıq 0:8 idi. Yəni həmin “qırmızı” biabırçı hesab üçün bəraət rolunu oynaya bilməz.
Bəs “Araz Saatlı”nın baş məşqçisi Şəhriyar Məmmədov nə düşünür? Onun "Football-plus.az"a açıqlaması:
“Birbaşa onu deməyi lazım bilirəm ki, öncədən çatışmazlıqlar var idi. Oyun ərəfəsində məşqə çıxanda bəzi çatışmazlıqlar oldu. Belə ki, oyunçulardan ikisinin qızdırması var idi. Onları xəstəxanaya çatdırdıq. O biri uşaqların da məşqi məcburən xeyli yubandı. Bəzi oyunçuların məşqə gələ bilməməsi kimi səbəblərdən rəqib bizi xeyli üstələdi. Bütün bunlara baxmayaraq, növbəti oyuna hazırlaşırıq. Komandama inanıram. Ardıcıl altı oyunda qalib gələn aslanlardı. Komandamız çox şeyə qadirdi”.
ƏSƏD SEYİDOV
Digər xəbərlər
