1-ci liqada 9-cu turun oyunları keçirilir.

“Football-plus.az” xəbər verir ki, “Araz Saatlı” MOİK-i qəbul edib. Gərgin keçən matçda qonaqlar minimal hesablı qələbə qazanıb - 1:0.

Oyunun yekununda xoşagəlməz hadisə yaşanıb. Belə ki, qarşılaşmanın son saniyələrində meydan sahiblərinin futbolçusu Samir Məmmədov zədələnib. O, top uğrunda mübarizədə rəqiblə toqquşub. Yerə yıxılan futbolçu ayağa qalxa bilməyib.

Ürək bulantısı və nəfəs darlığı çəkən yarımmüdafiəçiyə ilkin tibbi yardım meydanda göstərilib. Ardından komanda yoldaşlarının köməyi ilə təcili tibbi yardım maşınına yerləşdirilərək xəstəxanaya göndərilib.

İSMAYIL XEYRULLAYEV