''Milan'' və ''Çelsi'' hazırda qeyri-sabitlik baxımından müəyyən mənada bir-birinə bənzəyir. İkisinin də nəticələrindən baş açmaq olmur. Düzünü desəm, ''Milan''ın hansı tərzdə oynadığını və ya oynamaq istədiyini anlamıram. Onlar heç cür özləri üçün düzgün olan inkişaf xəttini yaxalaya bilmirlər. Kağız üzərində heyət güclü görünür. Üstəlik qışda komanda bir qədər də gücləndi. Hələ superkuboku da qazandılar. Düşünmək olardı ki, bu uğurdan sonra bütün problemlər yoluna qoyulacaq. Amma reallıqda tam əksinə oldu. Həmin zəfər ''Milan''ın özünəinamını artırmadı. Ona görə də ilk dövrə ilə müqayisədə heç bir irəliləyiş görmürük. ÇL-dən kənar qalmaq komanda üçün faciəyə bərabər olacaq. Bu hədəf çətin görünsə də, mümkünsüz deyil. Sadəcə hər kəs meydanda canını qoymalıdı. Hələ də ÇL-ə vəsiqə qazanmağın mümkün olduğunu düşünürəm''.