“Milan”ın oyunçusu Rafael Leao “Real” və “Çelsi”dən aldığı təklifləri geri çevirib.

"Football-plus.az" xəbər verir ki, “La Gazzetta dello Sport”un məlumatına görə, portuqaliyalı yarımmüdafiəçi “Milan”la müqaviləsini yeniləmək istəyir. 23 yaşlı oyunçunun klubla müqaviləsinin müddəti 2024-cü ilin yayına qədər nəzərdə tutulub. Leao artıq onun transferində maraqlı olan “Real” və “Çelsi”dən imtina edib. “Milan” rəhbərliyi Rafaelin yeni müqaviləsinin tezliklə rəsmiləşəcəyinə inanır. Futbolçu üçün ən vacib amil komandanın növbəti mövsüm də Çempionlar Liqasında iştirak etməsidi. “Milan” hazırda 56 xalla A seriyasında 4-cü yeri tutur ki, bu mövqe omandaya ÇL-də oynamaq imkanı verir. Bu mövsüm “Milan”ın heyətində bütün turnirlərdə 41 oyunda 13 qol vurub 9 məhsuldar ötürmə edən Rafael maaşının artırılmasını da tələb edir.