Tanınmış italiyalı menecer Osimhen haqda nə dedi?
Viktor Osimhen üçün yavaş-yavaş Türkiyə nağılı bitməyə doğru gedir.
''Football-plus.az'' xəbər verir ki, müqavilə ilə ''Napoli''yə məxsus olan və İstanbul nəhəngində icarə əsasında top qovan nigeriyalı forvard 2 aydan sonra ''Qalatasaray''dan ayrılmalı olacaq. Onun üçün Avropa nəhəngləri belə desək, sıraya düzülüb. Tək Avropa yox, başqa klublar da 26 yaşlı forvardın xidmətində maraqlıdı. Məsələn, Səudiyyə Ərəbistanı nəhəngi ''Əl-Hilal'' da Osimhen uğrunda mübarizəyə qoşulub.
Bu arada son illər Osimhen də daxil olmaqla bir çox ulduzun ''Cim-Bom''a gəlməsində böyük rol oynayan və klubla sıx əməkdaşlıq edən Corc Qardi vətəni İtaliya mətbuatına açıqlamalar verib. Tanınmış menecer Osimhenin kluba və şəhərə sadiqliyini bu sözlərlə göstərməyə çalışıb:
''Osimhenlə bağlı danışıqlar nə daha öncə aparılıb, nə də indi aparılır. O, mövsümü əvvəldən sona qədər İstanbulda keçirəcəyinə söz vermişdi və göründüyü kimi sözünün üstündə durdu. Özü də heç bir maddi maraq düşünmədən bunu etdi. O, İstanbula gələn ilk tanınmış sima deyil. Bu şəhər hər zaman böyük oyunçuların ümidlərini doğruldub və onlar İstanbuldan ağız dolusu danışıblar. Osimhen də burda onu əhatə edən hər şeyi sevir. İlk gündən bu reallığa çox mükəmməl bir şəkildə uyğunlaşdı. Bilirəm ki, onun gələcəyi haqqında çox söz-söhbətlər dolaşır. Amma harda oynayacağına daha sonra qərar verəcək. İndi bütün diqqətini mövsümün həlledici hissəsinə yönəldib. Əvvəlki oyunlarda olduğu kimi yenə meydanda fərq yaratmaq arzusundadı''.
Digər xəbərlər
