Son turda ''Kasımpaşa''ya məğlubiyyətdən sonra baş məşqçi Sami Uğurlu ilə yollarını ayıran ''Alanyaspor''da yeni baş məşqçinin adı bəlli olmaq üzrədi.

''Football-plus.az'' xəbər verir ki, Antalya təmsilçisi portuqaliyalı Joao Pereyra ilə ilkin anlaşma əldə edib. Bu xəbəri ilk öncə Portuqaliyanın ''Rekord'' nəşri paylaşıb. Pereyra danışıqların son detallarını müzakirə etmək və rəsmi müqaviləyə imza atmaq üçün Antalyaya gəlib. 41 yaşlı mütəxəssis mövsümə ''Sportinq''in B komandasında başlamışdı.

Ruben Amorim ''Mançester Yunayted''in başına keçdikdən sonra Pereyra qısa müddət Lissabon nəhənginin əsas komandasını çalışdırmışdı. Amma nəticələr uğursuz olduğundan (8 oyun, 3 qələbə, 1 heç-heçə, 4 məğlubiyyət) o, yenidən B komandasındakı işinə qayıtmışdı.

Pereyra həm də Türkiyə futbolunu yaxından tanıyır. Belə ki, o, 2017-21-ci illərdə ''Trabzonspor''un şərəfini qoruyub. ''Sportinq''in B komandası bu məşqçinin başçılığı altında Portuqaliyanın 3-cü liqasında 26 xalla 4-cü pillədə qərarlaşıb.

ƏLİ