Konseysaonun yerini tuta bilər

“Milan” yayda növbəti baş məşqçi dəyişikliyinə gedə bilər.

“La Gazzetta dello Sport”un məlumatına görə, rəhbərlik Massimiliano Alleqrinin namizədliyini nəzərdən keçirir. Hazırda 57 yaşlı mütəxəssis klubsuzdu. Alleqri 2010-14-cü illərdə “Milan”ı çalışdırıb. “Milan” onun başçılığı altında 2011-ci ildə çempionatda və İtaliya Superkubokunda qalib gəlib.

Komandanın hazırkı çalışdırıcısı Serjio Konseysaonun fəaliyyəti rəhbərliyi qane etmir. Komandaya 2024-cü ilin sonunda təyinat alan portuqaliyalı mütəxəssis ölkə superkubokunu qazansa da, “Milan” hazırda A seriyasında 28 oyuna 44 xal toplaya bilib.