Argentina çempionatında keçirilən 8-ci turun oyunlarından sonra hər iki qrupda üçhakimiyyətlilik yarandı. Son çempionun uğursuz çıxışı yenə diqqət mərkəzindədi.

Ötən mövsümün çempionu “Veles Sarsfild” ilk 7 turda hesabına yalnız 2 xal yazmış və qol vura bilməmişdi! Cari mövsümün ən böyük sensasiyası yenə “Veles”lə bağlıdı. Sebastyan Domingesin bu ildən çalışdırdığı paytaxt komandasının qələbəsiz seriyası davam edir. “Göy-ağlar” hesabat turunda hesabına xal yaza bilmədilər. “Atletiko Urakan” ilə ev oyunu qonaq komandanın 2:0 hesablı qələbəsi ilə bitdi. Nəticədə çempion B qrupunda 8 oyuna 2 xalla sonuncu - 15-ci yerdəki mövqeyini “qorudu”! “Veles”in çempionatda qol vura bilməyən yeganə komanda kimi qalması başqa bir sensasion faktdı!

Son mövsümün digər mükafatçıları da uğursuzluq zolağından heç cür çıxa bilmirlər. “Talyeres de Kordoba” da bu mövsüm azarkeşlərini məyus etməkdədi. Ötən mövsümün gümüş mükafatçısı hesabat turunda evdə “Tiqre”yə 1:2 hesabıyla uduzdu. Aleksander Medinanın çalışdırdığı komanda B qrupunda keçirdiyi 7 oyunda 5 xal toplamaqla 14-cü yerdədi.

Ötən mövsümün bürünc medalçısı “Rasinq” dı bu tur hesabına xal yaza bilmədi. Avelyanedalılar səfərdə “San Lorenso”ya son dəqiqələrdə buraxılan iki qolla 2:3 hesabıyla uduzdular. Bu nəticə Qustavo Kostasın kmandasını A qrupunda 10-cu yerə saldı.

A qrupunda tura hərəyə 15 xalla şərikli liderlər kimi başlayan hər üç komanda qələbə qazandı. “Arxentinos Xuniors” evdə “İnstituto”ya 2:0, “Tiqre” səfərdə “Talyeres de Kordoba”ya 2:1, “Estudiantes” isə “River Pleyt”ə 2:0 hesabıyla qalib gələrək şərikli liderliyini davam etdirdi. “Estudiantes” yenə topların daha yaxşı fərqinə əsasən 1-ci, “Tiqre” 2-ci, “Arxentinos Xuniors” isə 3-cü yerdə qaldı. Bu qrupda yarışan “Boka Xuniors” mövsümə zəif başlasa da, uğurlu nəticələrlə mövqeyini yaxşılaşdırmağa davam edir. Fernando Qaqonun komandası “Rosario Sentral”a minimal hesabıyla qalib gələrək 4-cü yerdəki mövqeyini qorudu.

“Rosario Sentral” B qrupunda hesabat turu ərəfəsində 17 xalla vahid lider idi. Rosariolular artıq şərikli liderdilər. Ona görə ki, “San Lorenso” “Rasinq” üzərində qələbə qazanmaqla, “İndependyente” isə “Banfild” ilə heç-heçə oynamaqla xalını 17-yə çatdırdı. Bu qrupun iştirakçısı olan “River Pleyt”in turu xalsız başa vurduğunu qeyd etdik. Marselo Qalyardonun komandası ardıcıl iki qələbədən sonra uduzmaqla 4-cü yerdən 5-ə gerilədi.

qrup mərhələsi, 8-ci tur
Veles Sarsfild - Atletiko Urakan 0:2
E.Ramires, 22. Tissera, 80.
Talyeres de Kordoba - Tiqre 1:2
Benavides, 44 – D.Romero, 36. Ovyedo, 66.
San Lorenso - Rasinq 3:2
Brayda, 2; 86. Peralta, 90+1 – Mura, 30. Balboa, 50.
River Pleyt - Estudiantes 0:2
Kastro, 9. Askasibar, 90+4.
Arxentinos Xuniors - İnstituto 2:0
A.Rodriges, 55. Molina, 74.
Boka Xuniors - Rosario Sentral 1:0
M.Ximenes, 9.
Banfild - İndependyente 0:0
Sentral Kordoba - Deportivo Riestra 0:0
San Martin San Xuan – Belqrano 3:1
T.Fernandes, 53. Yakobellis, 55. S.Qonsales, 90+2 - N.Fernandes, 51.
Aldosivi - Sarmyento 2:2
E.Torres, 3. Rami, 7 - Morales, 23. Burqoa, 37.
Union - Ximnasiya 1:0
Verde, 81.
İndependyente Rivadaviya - Lanus 1:1
Retamar, 46 - Bou, 71-p.
Barrakas Sentral - Qodoy Krus 1:2
Bruera, 51 – Martines Dupuy, 26; 90.
Atletiko Tukuman - Nyuellz Old Boyz 1:2
Lamendola, 41 – Silvetti, 4; 45+1.
Platense - Defensa y Xustisiya 0:1
Miranda, 11.

A qrupu
1. Estudiantes 8 5 3 0 15-7 18
2. Tiqre 8 6 0 2 12-5 18
3. Arxentinos Xuniors 8 5 3 0 9-3 18
4. Boka Xuniors 8 5 2 1 9-5 17
5. Atletiko Urakan 8 4 3 1 10-4 15
6. Sentral Kordoba 8 4 2 2 15-8 14
7. Defensa y Xustisiya 8 4 2 2 11-6 14
8. Barrakas Sentral 8 3 3 2 12-10 12
9. İndependyente Rivadaviya 8 2 4 2 8-9 10
10. Rasinq 7 3 0 4 13-10 9
11. Banfild 8 2 2 4 5-5 8
12. Belqrano 8 2 2 4 7-16 8
13. Nyuellz Old Boyz 8 2 0 6 4-12 6
14. Union 7 1 2 4 3-7 5
15. Aldosivi 8 0 2 6 6-18 2

B qrupu
1. İndependyente 8 5 2 1 13-6 17
2. Rosario Sentral 8 5 2 1 11-4 17
3. San Lorenso 8 5 2 1 9-5 17
4. River Pleyt 8 4 3 1 7-3 15
5. Deportivo Riestra 8 2 5 1 7-3 11
6. Ximnasiya 8 3 1 4 5-8 10
7. Platense 8 2 3 3 6-7 9
8. Lanus 8 2 3 3 5-6 9
9. İnstituto 8 2 1 5 5-7 7
10. Atletiko Tukuman 8 2 1 5 9-12 7
11. Qodoy Krus (-3) 7 2 3 2 5-8 6
12. San Martin San Xuan 8 1 3 4 4-7 6
13. Sarmyento 8 1 3 4 6-14 6
14. Talyeres de Kordoba 7 1 2 4 5-8 5
15. Veles Sarsfild 8 0 2 6 0-13 2

Bombardirlər: Avalos (İndependyente), Vomberqar (San Lorenso) - 5, Askasibar (Estudiantes), Kampas (Rosario Sentral), Kandia (Barrakas Sentral), N.Fernandes (Belqrano), A.Martines (Rasinq), Russo (Tiqre) - 4.