Startı yanvarın 24-də verilən Argentina çempionatında mübarizə getdikcə qızışır.

"Football-plus.az" xəbər verir ki, fevralın 6-9-u aralığında keçirilən 4-cü turun oyunlarından sonra hər iki qrupun yuxarı pillələrində vəziyyət dəyişdi. Artıq yüksək liqada xal itirməyən komanda qalmayıb. Xal qazana bilməyənlərin sayı isə ikiyə bərabərdi.

Ötən mövsümün mükafatçılarından ikisinin uğursuz startı davam edir. Argentinanın son çempionu “Veles Sarsfild” yeni mövsümün ilk üç matçında nə qol vura, nə də xal qazana bilmişdi! Şübhəsiz ki, bu, fərqli formatla keçirilən mövsümün startının ən böyük sensasiyası idi. Qustavo Kinterosun “Qremio”ya yollanmasından sonra indi Sebastyan Domingesin başçılığı altında çıxış edən paytaxt komandası ilk xalını 4-cü turda qazandı. “San Lorenso” ilə ev oyunu başladığı hesabla sona çatdı.

Qeyd edək ki, qonaq komanda mövsümün ilk üç matçında da top buraxmamışdı. Belə görünür, oyun planında xeyli geriləyən “Veles”in derbidə də qol vura bilməməsi məntiqəuyğundu. Reallıq həm də çempionun hazırda B qrupunda 1 xalla 14-cü yerdə olduğunu göstərir!

“Talyeres de Kordoba” da yeni mövsümə uğursuz start verib. Dekabrda Aleksander Medina ilə gümüş medallara sahib olan komanda ilk turun səfər oyununda “San Lorenso”ya minimal hesabla, növbəti matçda “İndependyente”yə evdə 2:3 hesabıyla məğlub olmuşdu. Kordobalıların “Qodoy Krus”a qarşı səfər oyunu isə fasilə ərəfəsində yan xətt hakiminin tribunadan atılan yad əşya nəticəsində başından xəsarət almasına görə yarımçıq qalmışdı. “Talyeres de Kordoba” hesabat turunda evdə “Lanus”a da bir top buraxmaqla uduzaraq B qrupunda sonuncu - 15-ci yerə yuvarlandı. Çempion və vitse-çempionla müqayisədə son mövsümün bürünc mükafatçısı yaxşı çıxış edir. İlk 3 oyunda 6 xal qazanan “Rasinq” evdə “Boka Xuniors”a 2:0 hesabıyla qalib gəldi.

Vyetto, 16-cı dəqiqədə meydan sahiblərini önə çıxardı, Adrian Martines isə sona yaxın avelyanedalıların inamlı qələbəsini təmin etdi. 32 yaşlı hücumçu bu mövsüm 4-cü qolunu vuraraq bombardirlərin siyahısında vahid liderliyi ələ aldı. Qustavo Kostasın çalışdırdığı “Rasinq” A qrupunda 5-ci yerdən 2-ciyə yüksəldi. Bu qrupda “Arxentinos Xuniors”un 10 xalla vahid lider olduğunu, “Rasinq” kimi 9 xala malik “Sentral Kordoba”nın isə 3-cü yerə yüksəldiyini də qeyd edək.

B qrupunda hesabat turu ərəfəsində “İndependyente” vahid lider idi. Xulio Vakkarinin komandasının yeni mövsümdə çempionatın xal itirməyən yeganə iştirakçısı olduğunu da bildirək. Avelyanedalıların qələbə seriyası Buenos Ayresdə qırıldı. Ötən mövsümün uğursuzları sırasında olan ölkə nəhənglərindən “River Pleyt” 3 oyuna 5 xal qazanmışdı. Marselo Qalyardonun komandası “qırmızılar”ı fasilədən sonra Kolidionun iki qolu ilə məğlub etdi. “İndependyente” 2-ci yerə düşdü, xalını 8-ə çatdıran “River” isə topların fərqinə əsasən 4-cü pilləyə yüksəldi.

Bu qrupda liderliyi “Atletiko Tukuman”a 3:1 hesabıyla qalib gələn “Rosario Sentral” ələ aldı. 64 yaşlı Ariel Olanın rosarioluların başına ötən ilin noyabrında keçdiyini qeyd edək.

qrup mərhələsi, 4-cü tur
Veles Sarsfild - San Lorenso 0:0
Talyeres de Kordoba – Lanus 0:1
Bou, 42.
Rasinq - Boka Xuniors 2:0
Vyetto, 16. A.Martines, 87.
River Pleyt - İndependyente 2:0
Kolidio, 51; 90+2.
Union - Arxentinos Xuniors 0:1
Oros, 6.
Sentral Kordoba - Nyuellz Old Boyz 2:0
Erediya, 36. Florentin, 90+6.
Rosario Sentral - Atletiko Tukuman 3:1
Malkorra, 36-p. Kampas, 53. Cakkone, 61 – Broun, 49-öz qapısına.
Aldosivi - Barrakas Sentral 1:3
Rami, 90+7 – Kandia, 28; 35. Bruera, 89.
Sarmyento - San Martin San Xuan 1:1
Sur, 55 – Anselmo, 15.
Banfild - Belqrano 1:1
Rivera, 34 - Xara, 90+9-p.
Atletiko Urakan - Tiqre 2:0
Tissera, 17. Miliyeviç, 83-p.
İndependyente Rivadaviya - Estudiantes 2:2
Vilya, 80. Sartori, 83 – Setre, 58. Neves, 81.
Platense - İnstituto 1:0
Lotti, 56.
Deportivo Riestra – Defensa y Xustisiya 1:1
X.Errera, 90 – Kannavo, 49.
Ximnasiya - Qodoy Krus 3:0
Morales, 22. Kastilyo, 63; 75.

A qrupu
1. Arxentinos Xuniors 4 3 1 0 3-0 10
2. Rasinq 4 3 0 1 9-3 9
3. Sentral Kordoba 4 3 0 1 6-2 9
4. Estudiantes 4 2 2 0 7-3 8
5. İndependyente Rivadaviya 4 2 2 0 6-2 8
6. Defensa y Xustisiya 4 2 1 1 8-3 7
7. Banfild 4 2 1 1 5-2 7
8. Barrakas Sentral 4 2 1 1 5-4 7
9. Tiqre 4 2 0 2 4-3 6
10. Atletiko Urakan 4 1 2 1 4-3 5
11. Boka Xuniors 4 1 2 1 3-4 5
12. Nyuellz Old Boyz 4 1 0 3 1-6 3
13. Belqrano 4 0 2 2 2-9 2
14. Union 4 0 1 3 2-6 1
15. Aldosivi 4 0 0 4 1-10 0

B qrupu
1. Rosario Sentral 4 3 1 0 8-2 10
2. İndependyente 4 3 0 1 7-5 9
3. Deportivo Riestra 4 2 2 0 6-1 8
4. River Pleyt 4 2 2 0 4-1 8
5. San Lorenso 4 2 2 0 3-0 8
6. Platense 4 2 1 1 3-2 7
7. İnstituto 4 2 0 2 5-2 6
8. Lanus 4 2 0 2 4-4 6
9. San Martin San Xuan 4 0 3 1 1-2 3
10. Ximnasiya 4 1 0 3 3-7 3
11. Atletiko Tukuman 4 1 0 3 2-8 3
12. Sarmyento 4 0 2 2 2-5 2
13. Qodoy Krus 3 0 1 2 0-6 1
14. Veles Sarsfild 4 0 1 3 0-6 1
15. Talyeres de Kordoba 3 0 0 3 2-5 0

Bombardir: A.Martines (Rasinq) - 4.