Argentina çempionatında iki turun oyunları keçirildi.

"Football-plus.az" xəbər verir ki, 5-ci və 6-cı turlarda qeydə alınan nəticələrdən sonra hər iki qrupun yuxarı pillələrində vəziyyət bir qədər dəyişsə də, liderlər mövqeyini qorudular. 4-cü turdan sonra yüksək liqada xal itirməyən komanda qalmamışdısa, artıq xal qazana bilməyən də yoxdu.

Ötən mövsümün mükafatçılarından ikisinin uğursuz startı davam edir. Argentinanın son çempionu “Veles Sarsfild” yeni mövsümdə ilk xalını 4-cü turda qazansa da, qol vura bilməmişdi! Bu ildən fərqli formatla keçirilən mövsümün startının ən böyük sensasiyası elə “Veles”lə bağlıdı. Komandanı bu ildən çalışdıran Sebastyan Domingesin paytaxt klubundakı fəaliyyəti belə gedişlə çox da uzun sürməyəcək. Ona görə ki, “göy-ağlar” son iki turda da hesabına xal yaza bilmədi: səfərdə “İndependyente”dən üç cavabsız top buraxan çempion evdə “Qodoy Krus”a 0:2 hesabıyla uduzdu. Nəticədə çempion B qrupunda 6 oyuna 1 xalla sonuncu - 15-ci yerə yuvarlandı! “Veles”in hazırda çempionatda qol vura bilməyən yeganə komanda olması da sensasion faktdı.

“Talyeres de Kordoba” da yeni mövsümə uğursuz start verib. Ötən mövsüm Aleksander Medinanın başçılığı altında gümüş medallara sahib olan komanda ilk 4 turda keçirdiyi 3 matçda hesabına xal yaza bilməmişdi. Kordobalılar uğursuz gedişə “San Martin San Xuan”a səfərdə minimal hesabla qalib gəlməklə son qoydular. Amma “Atletiko Tukuman”a qarşı ev oyununda heç-heçəyə (1:1) nail oldular. İki oyuna qazanılan 4 xal “Talyeres de Kordoba”nı B qrupunda yalnız sonuncu yerdən qurtulması və 13-cü pilləyə çıxması üçün kifayət etdi.

Çempion və vitse-çempionla müqayisədə son mövsümün bürünc mükafatçısı yaxşı startla yadda qalmışdı. İlk 4 oyunda 9 xal qazanan “Rasinq” A qrupunda 2-ci yeri tuturdu. Lakin uğurlu oyunlar seriyasını davam etdirmək mümkün olmadı. Səfərdə “Tiqre”yə 0:1, evdə “Arxentinos Xuniors”a 2:3 hesablı məğlubiyyətlər avelyanedalıları 7-ci yerə saldı. Qustavo Kostasın çalışdırdığı “Rasinq”in yarışdığı qrupda “Arxentinos Xuniors”un uğurlu oyunlar seriyası davam edir. Evdə “Atletiko Urakan”dan bir xal (1:1) alan “yeniyetmələr” səfərdə “Rasinq”ə qalib gəlməklə 14 xalla vahid liderliyini qorudular. A qrupunda “Sentral Kordoba” 13 xalla 2-ci yeri tutur.

Bu qrupda keçirdiyi ilk 4 turda 5 xal toplamaqla 11-ci yerdə olan “Boka Xuniors” uğurlu nəticələrlə mövqeyini yaxşılaşdırdı. Fernando Qaqonun komandası “İndependyente Rivadaviya” (2:0) və “Banfild” (1:0) üzərində qələbələrlə 6-cı yerə yüksəldi.

B qrupunda hesabat turu ərəfəsində “Rosario Sentral” vahid lider idi. 64 yaşlı Ariel Olanın çalışdırdığı komanda “Deportivo Riestra” ilə qolsuz heç-heçəyə razılaşandan sonra “Nyuellz Old Boyz”a qalib gəlməklə (2:1) 1-ci yerdəki mövqeyini qorudu. Lakin rosariolular indi liderliyi “San Lorenso” ilə bölüşürlər. Paytaxt komandası son oyunlarda “Platense”yə 2:1, “İnstituto”ya 1:0 hesabyla qalib gəldi. Nəticədə xalını 14-ə çatdıran “San Lorenso” topların fərqinə əsasən 5-ci yerdən 2-ci pilləyə yüksəldi. Qeyd edək ki, son iki matçda komandanın hər üç qolunu Vomberqar vurdu. Penaltiləri dəqiq yerinə 30 yaşlı hücumçu bombardirlərin yarşında 5 qolla şərikli liderdi. Onun komandasının mövsümün ilk 5 matçında yalnız 1 top buraxması diqqətdən yayınmır.
Ötən mövsümün uğursuzları sırasında olan ölkə nəhənglərindən “River Pleyt” də qapısında bir top görüb. Amma Marselo Qalyardonun komandasının hücum xətti heç də güclü sayılmır. Paytaxt təmsilçisi “Qodoy Krus”la qolsuz bitən oyundan sonra “Lanus”a minimal hesabla qalib gəldi. İki oyuna qazanılan 4 xal “River”in B qrupundakı 4-cü yerini dəyişmədi.

qrup mərhələsi, 5-ci tur
İndependyente - Veles Sarsfild 3:0
Avalos, 31; 43. Kabral, 78.

San Martin San Xuan - Talyeres de Kordoba 0:1
Benavides, 64.

Tiqre - Rasinq 1:0
Saralegi, 4.

Boka Xuniors - İndependyente Rivadaviya 2:0
Merentyel, 51. Sebalyos, 83.

Qodoy Krus - River Pleyt 0:0

Arxentinos Xuniors - Atletiko Urakan 1:1
X.Errera, 9 - İbanyes, 57.

Barrakas Sentral - Sentral Kordoba 3:3
Kandia, 55. Ruis, 73. İnsua, 90+6-p. – Florentin, 62. Bruera, 75-öz qapısına. Rivero, 80.

Nyuellz Old Boyz - Defensa y Xustisiya 0:1
Miritelyo, 90+1.

San Lorenso - Platense 2:1
Vomberqar, 44-p.; 90+1-p. - Taborda, 31.

Estudiantes - Banfild 1:0
Alario, 78.

Belqrano - Aldosivi 2:0
N.Fernandes, 5. Troylo, 54.

Deportivo Riestra - Rosario Sentral 0:0

Lanus - Ximnasiya 0:0

Union - İnstituto 0:0

Atletiko Tukuman - Sarmyento 5:0
L.Dias, 2. Koronel, 30; 67. Q.Dias, 32-öz qapısına. A.Sançes, 42.

6-cı tur
Veles Sarsfild - Qodoy Krus 0:2
Pitsini, 18-öz qapısına. Altamira, 28.

Talyeres de Kordoba - Atletiko Tukuman 1:1
Orteqosa, 73 – N.Kastro, 47.

Rasinq - Arxentinos Xuniors 2:3
Barrios, 83. Di Çezare, 88 – Leskano, 22. Molina, 28. Prieto, 47.

Banfild - Boka Xuniors 0:1
Di Lolyo, 86.

River Pleyt - Lanus 1:0
Borxa, 77.

Sentral Kordoba - Belqrano 4:0
Kabral, 18. Florentin, 42. Riveros, 61. Barrera, 87.

Nyuellz Old Boyz - Rosario Sentral 1:2
Baneqa, 87 – Duarte, 16. Kampas, 63.

İnstituto - San Lorenso 0:1
Vomberqar, 45+4-p.

Platense - İndependyente 1:1
F.Paredes, 89-öz qapısına – İ.Vaskes, 76-öz qapısına.

Defensa y Xustisiya - Barrakas Sentral 1:1
Miritelyo, 37 – İnsua, 90+9-p.

Aldosivi - Estudiantes 2:2
Mottes, 57. E.Torres, 77 – Askasibar, 12. X.Sosa, 81.

İndependyente Rivadaviya - Tiqre 1:4
Retamar, 70 - D.Romero, 5; 25. Russo, 55. Valenti, 90+1.

Atletiko Urakan – Union 1:0
Miliyeviç, 51-p.

Sarmyento – Deportivo Riestra 2:1
Karabaxal, 84-p.; 90+5-p. – Beneqas, 33.

Ximnasiya - San Martin San Xuan 1:0
De Blasis, 38-p.

A qrupu
1. Arxentinos Xuniors 6 4 2 0 7-3 14
2. Sentral Kordoba 6 4 1 1 13-5 13
3. Estudiantes 6 3 3 0 10-5 12
4. Tiqre 6 4 0 2 9-4 12
5. Defensa y Xustisiya 6 3 2 1 10-4 11
6. Boka Xuniors 6 3 2 1 6-4 11
7. Rasinq 6 3 0 3 11-7 9
8. Atletiko Urakan 6 2 3 1 6-4 9
9. Barrakas Sentral 6 2 3 1 9-8 9
10. İndependyente Rivadaviya 6 2 2 2 7-8 8
11. Banfild 6 2 1 3 5-4 7
12. Belqrano 6 1 2 3 4-13 5
13. Nyuellz Old Boyz 6 1 0 5 2-9 3
14. Union 6 0 2 4 2-7 2
15. Aldosivi 6 0 1 5 3-14 1

B qrupu
1. Rosario Sentral 6 4 2 0 10-3 14
2. San Lorenso 6 4 2 0 6-1 14
3. İndependyente 6 4 1 1 11-6 13
4. River Pleyt 6 3 3 0 5-1 12
5. Deportivo Riestra 6 2 3 1 7-3 9
6. Platense 6 2 2 2 5-5 8
7. İnstituto 6 2 1 3 5-3 7
8. Atletiko Tukuman 6 2 1 3 8-9 7
9. Lanus 6 2 1 3 4-5 7
10. Ximnasiya 6 2 1 3 4-7 7
11. Qodoy Krus 5 1 2 2 2-6 5
12. Sarmyento 6 1 2 3 4-11 5
13. Talyeres de Kordoba 5 1 1 3 4-6 4
14. San Martin San Xuan 6 0 3 3 1-4 3
15. Veles Sarsfild 6 0 1 5 0-11 1

Bombardirlər: Avalos (İndependyente), Vomberqar (San Lorenso) – 5, Kampas (Rosario Sentral), A.Martines (Rasinq) - 4.