Startı avqustun 18-də verilən Argentina Liqa Kubokunda (LK) mübarizə getdikcə qızışır.

"Football-plus.az" xəbər verir ki, sentyabrın 1-4-ü aralığında 3-cü turun oyunları keçirildi. Qeydə alınan nəticələrdən sonra qruplarda belə mənzərə formalaşdı: artıq turnirdə xal itirməyən komanda qalmayıb.

LK-nın 4-cü mövsümündə keçirilən ilk 3 turdan sonra 4 komanda maksimum nəticə göstərmişdi. Hesabat turu həmin komandaların xal itirməsi ilə yadda qaldı. Ölkə çempionatının son mövsümünün gümüş mükafatçısı olan “Talyeres de Kordoba” iki oyuna iki qələbə ilə A qrupunda “Kolon”la birlikdə şərikli liderliyə nail olmuşdu. Xavyer Qandolfinin komandası hesabat turunda “Rosario Sentral”dan iki cavabsız top buraxdı. Məğlubiyyətə baxmayaraq, kordobalıların 1-ci yerdəki mövqeyi dəyişmədi. “Kolon” isə səfərdə “Atletiko Urakan”a uduzdu. Bu qrupda artıq 3 turdan sonra hərəyə 6 xal toplayan 6 komanda şərikli liderlik edir: “Atletiko Urakan”, “Banfild”, “Veles Sarsfild” və “İndependyente” də 1-6-cı yerləri bölüşən iştirakçılar sırasındadı. Karlos Tevesin “İndependyente”nin baş məşqçisi kimi fəaliyyətinin ilk mərhələsinin heç də pis alınmadığını demək olar.

Argentinanın son çempionu da A qrupunda yarışır. Amma “River Pleyt”in LK-dakı çıxışı hələ ki qənaətbəxş sayıla bilməz. Yeni mövsümə səfərdə “Arxentinos Xuniors”a uduzmaqla (2:3) başlayan ölkə nəhəngi uğursuz startın acığını evdə “Barrakas Sentral”dan çıxmışdı (5:1). Lakin paytaxt komandası səfərdən yenə xalsız döndü. Martin Demiçelisin komandası “Veles Sarsfild”ə iki cavabsız qolla uduzdu. 3 oyuna 2 məğlubiyyət “River”i cədvəlin 10-cu pilləsinə saldı. Bu qrupda yalnız “Ximnasiya” xal qazana bilməyib.

Artıq ölkənin digər nəhəngi “Boka Xuniors” da LK-da ikinci məğlubiyyətini alıb. Mariano Erronun çalışdırdığı komanda turnirə qələbə ilə başlasa da, ardıcıl ikinci matçı xalsız başa vurdu. Əvvəlki turun səfər oyununda “Sarmyento”ya (0:1) uduzan “Boka” bu dəfə öz meydanında “Tiqre”yə boyun əydi. Növbəti uğursuzluq “göy-sarılar”ı B qrupunun cədvəlinin 8-ci pilləsinə saldı.

Bu qrupda iki komanda ilk iki turda maksimum nəticə göstərmişdi. Maraqlıdı ki, “Nyuellz Old Boyz” və “Sarmyento” bu dəfə rəqib meydanlarında 1:1 hesablı heç-heçəyə nail oldular. Və hər iki komanda şərikli liderliyini davam etdirdi. Hesabat turundan sonra bu qrupda “Rasinq” də 7 xala malikdi. Qrupun xal qazana bilməyən yeganə iştirakçısı isə “Estudiantes”di.

qrup mərhələsi, 3-cü tur
Rosario Sentral - Talyeres de Kordoba 2:0
Kampas, 34. Malkorra, 37.
Atletiko Urakan - Kolon 2:1
Kokkaro, 56; 72 Qalvan, 54.
Veles Sarsfild - River Pleyt 2:0
Akino, 22. S.Kastro, 60.
Belqrano - Nyuellz Old Boyz 1:1
U.Sançes, 38 Sfortsa, 69.
Defensa y Xustisiya - Sarmyento 1:1
Duarte, 15 Fontana, 58.
Boka Xuniors - Tiqre 0:1
Lusiatti, 78.
Sentral Kordoba - Platense 3:2
L.Rodriges, 22. Qamba, 62. Anxelini, 87 - N.Kastro, 64. S.Ruis, 71.
Ximnasiya - İndependyente 1:2
Laso, 90+4-öz qapısına – İsla, 8. M.Ximenes, 88.
Lanus - Qodoy Krus 2:2
L.Dias, 12. Lotti, 59 – Kaseres, 45-öz qapısına. Alyende, 90+5.
İnstituto – Banfild 0:1
Rivera, 90+4.
Arxentinos Xuniors - Atletiko Tukuman 2:2
Avalos, 34-p. Qondou, 39 Koronel, 64-p; 65.
Rasinq - Estudiantes 2:1
Pyovi, 36-p. Kintero, 50 M.Mendes, 90+5-p.
Barrakas Sentral - Arsenal 2:1
F.Alvares, 8. Kolitto, 55 Moreyro, 15.
Union - San Lorenso 1:1
Morales, 77 - Bareyro, 25.

A qrupu
1. Talyeres de Kordoba 3 2 0 1 5-3 6
2. Atletiko Urakan 3 2 0 1 5-3 6
3. Banfild 3 2 0 1 4-2 6
4. Kolon 3 2 0 1 4-2 6
5. Veles Sarsfild 3 2 0 1 4-2 6
6. İndependyente 3 2 0 1 4-3 6
7. Arxentinos Xuniors 3 1 1 1 7-7 4
8. İnstituto 3 1 1 1 1-1 4
9. Rosario Sentral 3 1 1 1 2-3 4
10. River Pleyt 3 1 0 2 7-6 3
11. Atletiko Tukuman 3 0 3 0 2-2 3
12. Arsenal 3 1 0 2 4-5 3
13. Barrakas Sentral 3 1 0 2 3-7 3
14. Ximnasiya 3 0 0 3 1-7 0

B qrupu
1. Nyuellz Old Boyz 3 2 1 0 4-1 7
2. Sarmyento 3 2 1 0 4-1 7
3. Rasinq 3 2 1 0 5-3 7
4. Union 3 1 2 0 5-3 5
5. Belqrano 3 1 2 0 5-4 5
6. San Lorenso 3 1 2 0 4-3 5
7. Qodoy Krus 2 1 1 0 3-2 4
8. Boka Xuniors 3 1 0 2 3-3 3
9. Sentral Kordoba 3 1 0 2 3-5 3
10. Tiqre 3 1 0 2 2-4 3
11. Defensa y Xustisiya 2 0 2 0 1-1 2
12. Lanus 3 0 1 2 2-4 1
13. Platense 3 0 1 2 3-6 1
14. Estudiantes 3 0 0 3 3-7 0
Bombardirlər: Bareyro (San Lorenso), Kokkaro (Atletiko Urakan), Qondou (Arxentinos Xuniors), Morales (Union) - 4, M.Ximenes (İndependyente), Passerini (Belqrano) - 3.