“Real”ın oyunçusunun aqibəti müəyyənləşdi

Cud Bellingemin aqibəti müəyyənləşib.

Gözlənildiyi kimi, İspaniya Kral Futbol Federasiyasının Nizam-İntizam Komitəsi (NİK) “Real”ın futbolçusunu cəzalandırıb.

"Football-plus.az" xatırladır ki, ingilis yarımmüdafiəçi La Liqanın 24-cü turunun “Osasuna” ilə matçının (1:1) 39-cu dəqiqəsində hakimi təhqir etdiyinə görə birbaşa qırmızı vərəqə almışdı. Bu səbəbdən 21 yaşlı oyunçu 2 oyunluq cəza alıb.

Qeyd edək ki, Cud və madridlilərin baş məşqçisi Karlo Ançelotti futbolçunun hakimə qarşı təhqiramiz ifadələr işlətdiyini inkar etmişdilər. Lakin NİK hakimin qərarının səhv olması ilə bağlı sübut tapmayıb.