Deklan Rays dilinin bəlasına düşüb. UEFA “Vest Hem”in yarımmüdafiəçisini cəzalandırıb.

İngilis yarımmüdafiəçi Avropa Liqasının yarımfinalının “Ayntraxt”la mayın 5-də keçirilən cavab oyunundan (0:1) sonra hakimi tənqid etdiyinə görə diskvalifikasiya olunub. Ona 2 matçlıq cəza verilib.

Xatırladaq ki, Rays matçdan sonra ispaniyalı Xesus Xil Mansano haqda “hakim, sən bütün gecəni bərbad etdin. Necə bu qədər pis ola bilirsən, düzünü de? Yəqin sənə pul ödənilib” demişdi.

Frankfurtlularla aprelin 28-də Londonda baş tutan ilk oyunda texniki zonadan qovulan Devid Moyesin də aqibəti müəyyənləşib. “Vest Hem”in baş məşqçisi bir oyunluq cəza alıb. Qeyd edək ki, Moyes artıq cavab görüşündə cəzasını ödəyib.