İspaniya Futbol Federasiyasının İntizam Komitəsi "Barselona"nın futbolçusu Robert Levandovskini 3 oyunluq cəzalandırıb.

"Football-plus.az" xəbər verir ki, bu barədə "Marca" nəşri məlumat yayıb.

Polşalı forvard La Liqanın 14-cü turunda "Osasuna" ilə görüşdə (1:2) ikinci sarı vərəqə alaraq oyunun 31-ci dəqiqəsində meydanı tərk edib. O, paltardəyişmə otağına gedərkən hakimlərə qeyri-etik jest edib.

Beləliklə, Levandovski La Liqada "Espanyol", "Atletiko" və "Betis"lə matçları buraxacaq.

Karyerasını başa vuran və son matçında qırmızı vərəqə alan "Barselona"nın futbolçusu Jerar Pike isə hakimi təhqir etdiyinə görə 4 oyunluq cəzalandırılıb.