''Bu oyunu şərh etməsəm və ya səssiz dayanmaqla etirazımı bildirsəm, daha yaxşı olardı. Derbidən məmnun qalan cəmi iki nəfər var. Biri Okan Buruk, digəri Joze Mourinyo. İlk yarı sadəcə rəzalət idi. Türkiyədə futboldan anlayan hər hansı bir şəxsin ilk yarıdakı oyundan məmnun qaldığını düşünmürəm.

İki komandanın heyətinin ümumi dəyəri 500 milyon avrodan çoxdu. Amma bir dənə qol epizodu görmədik. Barış Alpər Yılmaz sanki meydanda yox idi. Hər iki komandanın müdafiə xətti ön plana çıxdı. Oyundan öncə derbinin bol qollu keçəcəyini demişdim. Kaş ki, bunu dilimə gətirməzdim. Bu oyuna nəinki ''dünya derbisi'', heç ''derbicik'' də demək düzgün deyil. Şəxsən mən çox böyük xəyal qırıqlığı yaşadım. Amma məşqçilər razı qaldı. Hakim oyunu yaxşı idarə etdi. Zatən çətin bir epizod yaşanmadı. Bir ara tribunada fişəng atdılar. Yalnız həmin vaxt oyunu davam etdirib-etdirməməklə bağlı tərəddüd yaşadı.

Bu oyunu xaricdə bir nəfərə izlətdirsən, sizi əmin edirəm ki, fasilədə ya televizoru söndürər, ya da başqa kanala çevirərdi. Hər iki klub neqativ baxımdan və statistik antirekordlar baxımından tarixə düşdü. Bu qədər zəif oyunu heç istəsələr belə, keçirə bilməzdilər''.