Futbolçuların real dəyərini göstərən ən populyar sayt olan ''Transfermarkt''da bu günlərdə göstəricilər yenilənib.

Həm oyunçuların, həm də klubların dəyərləri dəyişib. Türkiyə çempionatında dəyəri ən çox artan futbolçu Jedson Fernandeş olub. ''Beşiktaş''ın portuqaliyalı yarımmüdafiəçisinin dəyəri 12 milyon avrodan 17 milyon avroya yüksəlib.

Türkiyə çempionatının ən dəyərli oyunçusu isə Tetedi. Baxmayaraq ki, ''Qalatasaray''ın braziliyalı vingerinin dəyəri 1 milyon avro azalaraq 25 milyon avrodan 24 milyon avroya geriləyib. Türkiyəli futbolçular arasında isə ən dəyərli oyunçu Cengiz Ündərdi. ''Fənərbaxça''nın bu yay 15 milyon avroya heyətinə qatdığı 26 yaşlı vingerin ''transfermarkt''da dəyəri 20 milyon avrodu.

"Trabzonspor''un kapitanı və Türkiyə yığmasının üzvü Uğurcan Çakırın isə enişi davam edir. Bir ara dəyəri 20 milyon avroya qədər yüksələn 27 yaşlı qapıçı sonradan 12 milyon avroya geriləmişdi. Son açıqlanan göstəricidə isə Uğurcanın dəyəri daha 3 milyon avro azalaraq 9 milyon avro olub. Klubların dəyərlərinə gəlincə, ''Qalatasaray'' 236 milyon avro ilə yenə də zirvədə qərarlaşıb. 2-ci pillədə 200 milyon avroluq dəyəri ilə ''Fənərbaxça'', 3-cü pillədə 129 milyon avroluq dəyəri ilə ''Beşiktaş'' qərarlaşıb.

ƏLİ