"Neftçi" onlar üçün bilet ayırmışdı, biz isə avtobus" - "Kimyaçılar" niyə tribunada yox idi?
Srağagün "Sumqayıt" Misli premyer-liqasının 24-cü turu çərçivəsində "Neftçi"nin meydanında uduzdu - 0:1.
Düzdü, məğlubiyyət komandanın çempionatdakı qolsuz və qələbəsiz qaldığı ardıcıl matçların sayını 8-ə çatdırdı. Amma diqqətimizi çəkən başqa məqam da var idi.
Belə ki, qonaqlar çətin və kəskin, qarlı hava şəraitində keçən səfər matçında dəstəksiz qaldı. "Football-plus.az" bunun səbəbini "kimyaçılar"ın mətbuat xidmətinin rəhbəri Zaur Xudiyevdən öyrəndi:
"Bəli, azarkeşlər oyuna gəlmədi. Əslində hər şey hazır idi. "Neftçi" onlar üçün bilet ayırmışdı, biz isə avtobus. Lakin oyun günü "Kimyaçılar" fanklubunun rəhbərliyi ilə danışıq apardıq. Getməmələrinin daha təhlükəsiz olacağını bildirdik. Məlum olduğu kimi, yollar buz bağlayıb. Təbii ki, azarkeşlərin varlığı bizə güc verir. Lakin hər ehtimala qarşı belə addım atdıq".
KƏNAN BAHADIR
Digər xəbərlər
