"Anlaşılır ki, sumqayıtlı azarkeşlər rəqib seçir" - klub rəsmisi bilet satışının azlığından gileyləndi
Bu gün keçiriləcək "Sumqayıt" - "Səbail" matçıyla Misli premyer-liqasında 34-cü tura yekun vurulacaq.
Bilindiyi kimi, indiyə qədər şahmatçı Zeynəb Məmmədyarova, müğənni Murad Arif, karateçi Rəfael Ağayev, paralimpiyaçı cüdoçu İlham Zəkiyev və futbolçu Abu Dosso azarkeşlərə müraciət edərək tribunalara dəvət ediblər.
Görəsən, avrokuboklar uğrunda mübarizədə iddiasını qoruyan "kimyaçılar" dolu tribunalar önündə meydana çıxa biləcəkmi? Bilet satışı necə gedir?
"Football-plus.az"ın suallarını "Sumqayıt"ın mətbuat xidmətinin rəhbəri Zaur Xudiyev cavablandırdı:
"Sumqayıtlı məşhurlar bizim təklifimizlə azarkeşlərə ünvanlanmış çağırış videoları çəkdilər. Düzdü, effektlio oldu, lakin təəssüf ki, stadionun tam dolacağını gözləmirik. Çünki indiyə qədər 1500 bilet satılıb. Oyun vaxtına qədər daha 2 min bilet satıla bilər. Bu da stadion tutumunun yarısı deməkdi. İndiyə qədər 60-70 faiz bilet satılsa, anşlaqdan danışmaq olardı. Anlaşılır ki, sumqayıtlı azarkeşlər rəqib seçir. "Qarabağ"la oyuna daha çox maraq göstərmişdilər. Gün keçdikcə oyunların əhəmiyyəti də artır və "Səbail"lə matç "Qarabağ"la görüşdən daha vacibdi".
GÜNAY SÜLEYMANOVA
Digər xəbərlər
