Aleksander İsakın bir sıra klubların maraq dairəsinə düşməsi “Nyukasl” rəhbərliyini narahat edir.

Bu səbəbdən onunla müqavilənin yenilənməsi aktuallıq qazanıb. “The Telegraph” qəzeti bu mövzuda danışıqların mövsümün sonunda başlayacağını xəbər verib. Bu mənbə “Nyukasl”ın Aleksanderi heç bir məbləğə satmayacağını da vurğulayıb. Gənc futbolçu da çıxışını ağ-qara formada davam etdirmək istəyir.
İsak bu mövsüm premyer-liqada 22 oyuna 17 qol vurub.

İsveçli hücumçu bombardirlərin siyahısında yalnız “Liverpul”lu Məhəmməd Salahdan (22) və “Mançester Siti”li Erlinq Holanndan (19) geri qalır.