Viktor Nelssonu icarə əsasında ''Roma''ya göndərdikdən sonra mudafiənin mərkəzini gücləndirmək arzusunda olan ''Qalatasaray'' yeni transferi bir qədər qeyri-adi şəkildə həyata keçirib.

''Football-plus.az'' xəbər verir ki, rəhbərlik səssiz-sədasız şəkildə yeni transferi İstanbula gətirərək onu tibbi müayinədən keçirib. Söhbət Belçika təmsilçisi ''Genk''in üzvü Karlos Kuestadan gedir. 25 yaşlı kolumbiyalı müdafiəçinin transferi ən qısa müddətdə açıqlanacaq. Keçidin gizli həyata keçirilməsinin səbəbi isə fanatların etirazıdı.

Məsələ burasındadı ki, fanatlar bu transferi eşidən kimi sosial şəbəkələrdə bu futbolçuya çox ciddi etiraz etdilər. Onların fikrincə, Nelsson Kuestadan daha səviyyəli müdafiəçidi. Üstəlik yeni transferin boyu cəmi 179 santimetrdi. İstanbul nəhənginin bu futbolçu ilə 3,5 illik müqavilə imzalayacağı və onun adının Nelssonun yerinə avrokubokların iştirak ərizəsinə salınacağı gözlənilir. Bu transfer ''sarı-qırmızılar''a təxminən 7-8 milyon avroya başa gələcək.

Kuesta Kolumbiya təmsilçisi ''Atletiko Nasyonal''ın yetirməsidi və peşəkar karyerasına da bu klubda başlayıb. ''Genk''in şərəfini 2019-dan qoruyurdu. Bu mövsüm 13 rəsmi oyuna çıxan və 1 qol vuran Kuesta Kolumbiya yığmasında müdafiənin mərkəzində digər ''Qalatasaray''lı Devinson Sançes ilə birlikdə çıxış edir.

ƏLİ