Bu transfer dönəmini o qədər də fəal keçirmədiyi üçün tənqid olunan ''Qalatasaray'' iki bombanı birdən ''partlatdı''.

İstanbul nəhənginin anlaşma əldə etdiyi Lukas Torreyra və Dris Mertens dünən gecə saatlarında İstanbula ayaq basdılar. 2 məşhur futbolçu ailələri ilə birlikdə eyni təyyarə ilə İstanbula gəldilər. Sevinc içində olan fanatlar internet üzərindən təyyarənin gəlişini anbaan təqib etdilər. Hətta bir ara təyyarəni təqib edənlərin sayı 104 minə çatdı. Daha sonra fanatlar yeni ulduzları qarşılamaq üçün ''Atatürk'' hava limanına axın etdilər. Ölkəyə giriş prosedurları tamamlandıqdan sonra hər iki ulduz fanatların önünə çıxdı. Onların gecə saatlarında hava limanına bu qədər çox adam gəlməsi üzündən kiçik bir şok yaşamaları diqqətdən qaçmadı. Belçikalı Mertens ''bu, inanılmazdı. Bu cür çılğın şəkildə qarşılaşanacağımızı gözləmirdim. Gözəl atmosfer var. ''Qalatasaray''a gəldiyim üçün xoşbəxtəm'' açıqlamasını verdi. Futbolçular daha sonra bir-bir fanatların yanına gedərək onları salamladılar. Hər iki oyunçu ilə bu gün tibbi müayinədən sonra rəsmi müqavilə imzalanacağı gözlənilir.