''Qalatasaray''dan növbəti transfer xəbərləri var. İstanbul nəhəngi bir futbolçu ilə vidalaşdığı halda, bir yeni transferi də həyata keçirib.

Ümidləri doğrultmayan Tete gözlənildiyi kimi klubdan ayrılıb. Braziliyalı vinger ''Panatinaikos''a transfer olunub. Tete dünən Avstriyada toplanışda olan ''Qalatasaray''ın düşərgəsini tərk edərək transferin son detallarını razılaşdırmaq üçün Yunanıstana yolda düşmüşdü.

Bu gün səhər isə bu keçid rəsmən baş tutub. ''Panatinaikos'' ''Qalatasaray''a 4,75 milyon avro ödəyəcək. Ötən yay ''Cim-Bom''a azad agent statusunda gələn və dördillik müqaviləyə imza atan 24 yaşlı futbolçu 45 rəsmi oyuna çıxaraq 3 qol, 6 məhsuldar ötürməlik performans sərgiləmişdi. Türkiyə çempionunun yeni transferi isə Elias Yelertdi. Müdafiənin sağ cinahında oynayan 21 yaşlı futbolçu ''Kopenhagen''in yetirməsidi və indiyə qədər başqa klubda oynamayıb.

Yelert ötən mövsüm Çempionlar Liqasında ''Qalatasaray''a qarşı hər iki oyunda forma geymişdi. Onun ən qısa müddətdə İstanbula gələrək dördillik müqaviləyə imza atacağı gözlənilir.

Danimarka yığmasında 3 oyun keçirən futbolçunun illik maaşı 1 milyon avrodan az olacaq. Bu transfer bonuslarla birlikdə ''Aslan''a 11 milyon avroya başa gələcək.

ƏLİ