Dünyanın 1-ci raketkası Yannik Sinner fevralın 3-9-u aralığında Niderlandın Rotterdam şəhərində keçiriləcək ATP 500 turnirindən çəkilib. Turnirin mətbuat xidmətinin yaydığı xəbərdə bildirilir ki, buna tennisçinin “Australian Open”dən sonra özündə yorğunluq hiss etməsi səbəb olub. Xatırladaq ki, Sinner həmin turnirin finalında Aleksandr Zeverevə qalib gəlmişdi. 23 yaşlı italiyalı həmçinin Rotterdam turnirinin son qalibidi. O, ötənilki finalda avstraliyalı Aleks de Minaurdan üstün olub.

“Böyük dəbilqə” turnirlərinin üçqar qalibi Sinnerlə bağlı daha bir maraqlı xəbər var. Yannik yuxarıda göstərdiyimiz səbəbdən İtaliya prezidenti Serco Mattarellanın yanvarın 29-da Romadakı Kvirinal sarayında təşkil etdiyi rəsmi qəbula da qatılmayıb. Yanvarın 29-da keçirilən rəsmi qəbul 2024-də Devis Kubokunda və Billi Cin Kinq kubokunda qələbə qazanan italiyalı tennisçilərin şərəfinə təşkil olunub.

Əslində Sinner “Australian Open”i qazanandan sonra Prezident Sarayındakı qəbula qatılmaqla bağlı şübhəsini dilə gətirmişdi:

Bu arada Peşəkar Tennisçilər Assosiasiyası Avstraliyadakı turnirdən sonra yenilənmiş reytinqini açıqlayıb. İlk “10-luq”la bağlı əsas dəyişiklik odu ki, bolqar Qriqor Dimitrov buranı tərk edib. Yanvarın 12-də açıqlanan reytinqdə 11-ci olan Tommi Pol isə 9-cu pilləyə yüksəlib. İlk üç yerdə Yannik Sinner, Aleksandr Zeverev və Karlos Alkaras qərarlaşıb.

Qadınların Tennis Assosiasiyası (WTA) da reytinqini yeniləyib. Sıralamada son “Australian Open”in finalçısı Arina Sobolenko liderliyi qoruyut. 2-ci yerdə İqa Şventek, 3-cü yerdə isə Kori Qauff qərarlaşıb. Son Avstraliya turnirinin qalibi Medison Kis birdən-birə 7 pillə irəliləyib.

ATP reytinqi
1 (1*). Yannik Sinner (İtaliya) 11 830
2 (2). Aleksandr Zverev (Almaniya) 8135
3 (3). Karlos Alkaras (İspaniya) 7010
4 (4). Teylor Frits (ABŞ) 5050
5 (6). Kasper Ruud (Norveç) 4160
6 (7). Novak Cokoviç (Serbiya) 3900
7 (5). Daniil Medvedev (Rusiya) 3790
8 (8). Aleks De Minaur (Avstraliya) 3735
9 (11). Tommi Pol (ABŞ) 3495
10 (9). Andrey Rublev (Rusiya) 3130

WTA reytinqi
1 (1). Arina Sobolenko (Belarus) 8956
2 (2). İqa Şventek (Polşa) 8770
3 (3). Kori Qauff (ABŞ) 6538
4 (4). Jasmin Paoliini (İtaliya) 5289
5 (7). Yelena Rıbakina (Qazaxıstan) 4893
6 (6). Cessika Pequla (ABŞ) 4861
7 (14). Medison Kis (ABŞ) 4680
8 (5). Çjen Sinven (Çin) 4095
9 (8). Emma Navarro (ABŞ) 3709
10 (11). Paula Badosa (İspaniya) 3608

* - əvvəlki reytinqdə yerini göstərir.