Sinner “azarkeşlərin sevimlisi” sayıldı
İtaliyalı tennisçi Yannik Sinner “ATP Awards” mükafatının “azarkeşlərin sevimlisi” nominasiyasında qalib olub.
O, ardıcıl 2-ci dəfə bu mükafata yiyələnib. Sinner seçimə belə reaksiya verib:
“Mənə səs verdiklərinə görə bütün dünyadan olan azarkeşlərə təşəkkür edirəm. Bu, mənim üçün çox şey deməkdi. Məhz sizin sayənizdə tennis oynamağı sevirəm. Mövsüm boyunca azarkeşlərdən möhtəşəm dəstək gördüm”.
Sinner həmçinin onunla “Formula-1”in pilotu Maks Ferstappen arasında paralellər aparılmasına da münasibət bildirib:
“Özümü tennisin Ferstappeni kimi hiss edirəmmi? Yaxınlarda Maksla danışmışam. Mənə dedi ki, başqa pilotların rekordları arxasınca qaçmır, ona ailəsi ilə birgə olmaq vacibdi. Biz idmançıyıq, həm də adamıq: dostlar və ailə daha vacibdi. Tennisdə mümkün olan hər şeyi etməyə çalışıram. Hə, mən özünmü məhz belə hiss edirəm”.
23 yaşlı italiyalı ili dünyanın birinci raketkası kimi bitirib. Yannik başa çatmaqda olan ildə 8 titul, o sıradan “Australian Open”, “US Open” və ATP-nin illik Yekun turnirini qazanıb.
Bundan başqa, İtaliya yığması ilə birgə Devis kubokunu qazanıb.
Digər xəbərlər
