Lider PSJ “Sent-Etyen”i qəbul etdi. Ekspertlər Luis Enrikenin komandasından asan qələbə gözləsə də, belə olmadı.

"Football-plus.az" xəbər verir ki, qonaqlar paytaxt klubunun əsəbləri ilə oynadı. Fəaliyyətdə olan çempion növbəti qələbə sayəsində xalını 43-ə çatdırdı. 2-ci pillədə isə səfərdə “Renn” üzrində əzmkar qələbə qazanan “Marsel” qərarlaşıb. Cənubluların 36 xalı var. “Monako” isə get-gedə liderlərdən aralı düşür. “Knyazlar” “Nant”la səfər oyununda 0:2-ni 2:2-yə çevirsə də, bundan artığına gücü çatmadı. Onların son üç oyunda qələbə qazanmadığını da xatırladaq.

Hesabat turunda “Nitsa” 4-cü pilləyə yüksəldi. Bu komanda “Reyms” üzərindəki qələbədən sonra xalını 30-a çatdırdı. “Lill” ilə “Lion” büdrədi. “Şimallı itlər” “Oser”lə oyunda qolsuz heç-heçəyə razılaşdı. Özü də “Oser” 56-cı dəqiqədə azlıqda qaldı. Meydandan qovulan Jolinin səbəbkar olduğu penaltini liqanın bombardirlərindən Devid qola çevirə bilmədi. “Şirlər” səfərdə “Brest”ə 1:2 hesabıyla uduzdu.

Turun qalan oyunlarına gəlincə, “Lans” səfərdə “Havr”ı məğlub etdi. Mövsümdə 13-cü dəfə uduzan havrlılar 12 xalla 17-ci pillədə qərarlaşıb. Yalnız “Monpelye” daha pis nəticə göstərib. Jan-Lui Qassenin komandası evdə “Anje”yə 1:3 hesabıyla uduzdu. “Monpelye”nin oyunçularından Kuyate 84-cü, Ferri 85-ci dəqiqədə qovuldu. Daha bir oyunda “Strasbur” “Tuluza”nı məğlub etdi – 2:1. Qonaqların heyətində niderlandlı hücumçu Emeqha dublla yadda qaldı.

17-ci tur
PSJ – Sent-Etyen 2:1
Dembele, 13; 23-p. – Davitaşvili, 64. (47580)
PSJ: Donnarumma, Hakimi, Beraldo, L.Ernandes (Due, 63), Mendeş, Li Kan İn, Mayulu (Vitinya, 71), Ruis, Dembele, Ramuş (Paço, 63), Barkola (Zair-Emeri, 79).
Renn – Marsel 1:2
Kalimuendo, 43 – Qrinvud, 45. Rabyo, 49. (26837)
Marsel: Rulyi, Murilyo, Balerdi, Kornelius, Enrike, Ronjye, Heybyerq, Merlen (U.Qarsiya, 70), Qrinvud (Nadir, 89), Rabyo, Mope (Rou, 70).
Nant Monako 2:2
Ablin, 12. Amyan, 47 Embolo, 52. Salisu, 60. (25380)
Monako: Kön, Sinqo, Kerer, Salisu, Vanderson, Zakariya, Kamara, Uattara (Enrike, 61), Ben Seqir, Buabre (Mişal, 62), Embolo.
Oser – Lill 0:0
(15599)
Brest – Lion 2:1
Kamara, 8. Ajork, 25 – Veretu, 45+2. (14735)
Reyms – Nitsa 2:4
İto, 34. Dyakon, 71 – Gessand, 28. Lyabord, 44-p.; 64. Abdi, 86. (12270)
Havr – Lans 1:2
Ayyu, 8 – Koyyaylipu, 28. Maçado, 77. (19617)
Monpelye – Anje 1:3
Savanye, 61-p. – Lepol, 30; 69. Fərhat, 90+9. (10000)
Tuluza – Strasbur 1:2
Dukure, 35-öz qapısına – Emeqha, 14; 26. (22042)

1. PSJ 17 13 4 0 46-15 43
2. Marsel 17 11 3 3 39-20 36
3. Monako 17 9 4 4 28-18 31
4. Nitsa 17 8 6 3 35-23 30
5. Lill 17 7 8 2 26-16 29
6. Lion 17 8 4 5 29-22 28
7. Lans 17 7 6 4 21-16 27
8. Tuluza 17 7 3 7 19-19 24
9. Strasbur 17 6 5 6 30-29 23
10. Oser 17 6 4 7 24-26 22
11. Brest 17 7 1 9 26-30 22
12. Reyms 17 5 5 7 23-25 20
13. Anje 17 5 4 8 19-27 19
14. Renn 17 5 2 10 23-25 17
15. Nant 17 3 7 7 20-27 16
16. Sent-Etyen 17 5 1 11 16-38 16
17. Havr 17 4 0 13 13-36 12
18. Monpelye 17 2 3 12 16-42 9

Bombardirlər: Qrinvud (Marsel), Devid (Lill) – 11, Barkola, Dembele (hər ikisi PSJ) – 10.

Turun rəqəmi
3 – “Renn” ilə oyunun 32-ci dəqiqəsində Kalimuendonun zərbəsini dəf edən “Marsel”in qapıçısı Rulyi ardıcıl 3-cü dəfə bunu bacardı. Fransa çempionatında ardıcıl üç penaltinin qola çevrilməsinə imkan verməyən sonuncu qapıçı Predraq Raykoviç (“Reyms”, 2019-20-ci illərdə) olmuşdu.

Turun ulduzu
Qaetan Lyabord (Nitsa) komandasının iki pillə irəliləməsində önəmli pay sahibidi. “Reyms”lə oyunda həlledici qolları vurdu. Komandalar fasiləyə yollanmağa hazırlaşarkən penaltini qola çevirdi, 2-ci hissənin ortalarında isə fərqi artırdı. Təcrübəli hücumçu cari mövsümdə qol sayını 6-ya çatdırdı.
Turun sitatı

Adi Hütter, “Monako”nun baş məşqçisi: