PSJ ilə sabiq hücumçusu Kilian Mbappe arasında məhkəmə işinin olduğu çoxlarına məlumdu. Bu məsələ ilə bağlı yeni iddia ortaya atılıb.

“Ekip” qəzetinin məlumatına görə, Fransa klubu hazırda “Real”da oynayan futbolçuya olan borcunu ödəmədiyi üçün tezliklə sanksiyaya məruz qalmayacaq. İddiaya əsasən, PSJ 26 yaşlı hücumçuya indiyədək ödəniş etmədə də, UEFA mübahisəli məsələ ilə bağlı tələsik qərar verməyəcək. Qitə futbol qurumu bütün lazımi sənədlərin olmaması səbəbindən Fransa klubunun “Real”ın hücumçusuna borcu ilə bağlı işə baxmağı planlaşdırmır.

Xatırladaq ki, Mbappe ötən yay PSJ-dən azad agent kimi ayrılıb. O, bu klubda 2017-ci ildən oynayırdı.