''Fənərbaxça'' qapıçı Dominik Livakoviçin durumu ilə bağlı məlumat paylaşıb.

''Football-plus.az'' xəbər verir ki, xorvatiyalı əlcək sahibi son turda ''Konyaspor''a qarşı oyunu əvəzlənmədən keçirsə də, onun zədə aldığı məlum olub. Tibbi müayinə zamanı Livakoviçin əzələsində yırtıq aşkarlanıb. Xorvatiya yığmasının qapıçısı ən azı 2 həftə komandaya yardım edə bilməyəcək.

Qeyri-adi bir şey baş verməsə, Livakoviç superliqada ''Adana Dəmirspor'' ilə ''Göztəpə'', Avropa Liqasında isə ''Lion''la oyunları buraxmalı olacaq. Onun ən yaxşı halda yanvarın 30-da AL-də ''Midtyullan''la səfər oyununda sıraya dönəcəyi gözlənilir. Amma 30 yaşlı qapıçının həmin matçda da iştirakı sual altındadı.

Bu müddət ərzində Livakoviçi İrfan Can Eğribayat əvəzləyəcək. Bu mövsüm ''Fənərbaxça'' zədələrdən çox əziyyət çəkir. Ceyden Oostervolde ilə Rodriqo Bekao artıq mövsümü başa vurub. İsmayıl Yüksək də son oyunlarda zədə üzündən komandaya yardım edə bilmir. Elə Livakoviç özü də artıq mövsümün gedişində ikinci dəfə sıradan çıxıb.

O, dekabrın 15-də ''İstanbul BŞ'' ilə matçda da zədələnmiş, növbəti iki turda ''Eyüpspor'' və ''Hatayspor''a qarşı oyunları buraxmalı olmuşdu.

ƏLİ