''Fənərbaxça'' hücumçularından biri ilə vidalaşmaq üzrədi.

''Football-plus.az'' xəbər verir ki, komandada 3-cü forvard statusunda olan, Edin Ceko ilə Yussef Ən-Nəsirinin kölgəsində qalan Cenk Tosun İstanbul nəhəngini tərk etmək istəyir.

Joze Mourinyo təcrübəli forvardın komandada qalmasını istəsə də, ikinci dövrədə ona daha çox şans verə biləcəyinə zəmanət verməyib. Ona görə də Tosun daha çox oynaya biləcəyi komandaya keçmək istəyir.

Türkiyə mətbuatının yazdığına inansaq 33 yaşlı forvard superliqanın debütantı ''Bodrum'' ilə anlaşmaq üzrədi. Artıq Mourinyo da bu ayrılığa razılıq verib. Bu transferin həftəsonuna qədər rəsmən açıqlanacağı gözlənilir. Cenk Tosunun ötən yay azad agent statusunda ''Fənər''ə gəlməsi böyük hay-küyə səbəb olmuşdu. Çünki buna qədər o uzun illər İstanbulun digər nəhəngi ''Beşiktaş''ın şərəfini qoruyurdu. Amma Cenkin ''Fənərbaxça'' karyerası olduqca uğursuz alındı.

Daha öncə ''Qaziantep'', ''Everton'', ''Kristal Pelas''da da forma geymiş tanınmış futbolçu ''Fənər''də 10 rəsmi oyunda forma geyərək qol hesabını aça bilmədi.

ƏLİ