''Fənərbaxça''ya gəldikdən sonra 3-cü forvard statusunda olduğuna görə çox az oynamaq şansı qazanan Cenk Tosun baş məşqçi Joze Mourinyo ilə bağlı maraqlı paylaşım edib.

Məlum olduğu kimi son turda ''Fənərbaxça'' Trabzon səfərində çox çətin və dramatik qələbə qazandı. İstanbul nəhəngi ikinci hissənin ortalarında hesabda geri düşsə də, 2 qol vuraraq geridönüş etdi. Xüsusilə Amrabatın əsas vaxta əlavə olunmuş 12-ci dəqiqədə vurduğu qələbə qolundan sonra Mourinyonun çılğın sevinci diqqət çəkdi. O, meydana tərəf qaçaraq dizi üstə it örtüyündə sürüşməyə cəhd etdi. Amma Trabzondakı stadionun ot örtüyü buna imkan vermədi və portuqaliyalı mütəxəssis bir qədər məzəli şəkildə yerə yıxıldı.

Cenk Tosun həmin epizodun şəklini paylaşaraq həm türk, həm də ingiliscə ''cənab, burda meydanlar premyer-liqadakı kimi deyil, aman diqqət'' ifadəsini yazdı. Təcrübəli forvardın bu paylaşımı fanatlar tərəfindən gülüş və maraqla qarşılandı.