“Hypers Quba”dan təklif gəldi, masa ətrafında söhbət edəndən sonra qəbul etdim. Çox düşünmədim. Çünki 2-ci liqadan da hansısa yerə qədər qalxmaq olar. Futboldu, sabahı bilmək olmur. Burda hədəfim yuxarılara, yaxşı yerlərə çıxmaqdı. “Qarabağ”da Patrik Andrade ilə problemim olmuşdu. Sadə mövzu idi. Patrik legionerdi, başqa ölkədən gələn oyunçudu. İstər həmin mövzuda düz olum və ya nə olur-olsun, Andrade adına görə düz oldu. Qurban Qurbanov da fikrini bildirdi ki, bundan sonra ehtiyac yoxdu. Mən də hörmət çərçivəsində heç nə deyə bilmədim. Məşqçi nə deyirsə, odu. Sadə problem şişirdildi, böyüdü, sonra da belə alındı. Həmin məsələdən sonra yenidən əvəzedici heyətə qayıtdım. Orda mövsümün sonuna qədər oynayandan sonra futboldan bir qədər uzaqlaşdım. İndi əsas hədəfim elitada mübarizə aparmaqdı”.