“Dünən “Qarabağ”dan bizə sorğu gəldi” – 2-ci liqadan çempiona!
“Qarabağ” 2-ci liqa klublarından “Hypers Quba”nın uğurları üçün çalışan Denis Edilovu heyətinə cəlb edib. Bu barədə futbolçu özü sosial şəbəkə hesabında paylaşım edib.
Eyni zamanda belə böyük klubla müqavilə imzaladığına görə xoşbəxt olduğunu deyib.
“Hypers Quba”nın prezidenti Ayaz Abdullayev “Football-plus.az”a transferlə bağlı bunları dedi:
“Dünən “Qarabağ”dan bizə sorğu gəldi. Denis bizdən öncə Türkiyədə oynayırdı. Perspektivli və gənc oyunçudu. Daha da yaxşı yerlərdən sorağı gəlsin”.
ƏSƏD SEYİDOV
