“Qarabağ”ın futbolçusu “Hypers Quba”ya transfer olundu. İbrahim İbrahimlinin ölkə çempionunu 2-ci liqaya dəyişməsi bizə qəribə gəldi. Onu da bildirək ki, 19 yaşlı futbolçu həm də “Neftçi”nin yetirməsidi.

“Football-plus.az” olaraq, kiçik araşdırma ilə futbolçu haqda bəzi faktları əldə etdik. Futbolçu öncə “Neftçi”dən “Qarabağ”ın əvəzedicilərinə yollanıb. Daha sonra performansına görə əsas komanda ilə məşqlərə qoşulub. Həmin vaxt isə orda problemlə rastlaşıb. Patrik Andrade ilə dalaşan oyunçunu komandadan uzaqlaşdırıblar.

Belədə İbrahim futboldan küsüb, artıq iki ilə yaxındı yaşıl meydandan uzaq düşüb. “Hypers Quba”nın göndərdiyi transfer təklifi İbrahimlinin yenidən özünü sübut etməsi üçün yaxşı fürsət ola bilər.

RÖYANƏ OĞUZ