Amorim ''Yunayted'' fanatlarını şoka saldı
''Mançester Yunayted''də məşqçi dəyişikliyi hələ ki, müsbət yox, daha çox mənfi effekt verməkdədi.
''Football-plus.az'' xəbər verir ki, ''Yunayted''in Ruben Amorimin təyinatından dərhal sonra qələbələri sıralamağa başlayacağı onsuz da gözlənilmirdi. Amma komandanın bu dərəcədə zəif nəticələr əldə edəcəyi də proqnozlaşdırılmırdı. ''Qırmızı şeytanlar'' son turda evdə ''Nyukasl''a 0:2 boyun əydilər.
Komandanın rəsmi oyunlarda məğlubiyyət seriyası 4, qol vura bilməmək seriyası 3 oyuna çatdı. Matçın ardından isə Amorim öz açıqlaması ilə ''Yunayted'' fanatlarını şoka saldı. O, bu mövsüm komandanın premyer-liqanı tərk edərək çempionşipə yuvarlanacağını istisna etmədi. Qeyd edək ki, manikunianlar hazırda düşmə zonasından cəmi 7 xal öndədi. Portuqaliyalı mütəxəssisi dinləyək:
''Fanatlarımıza qarşı dürüst olmalıyıq. Premyer-liqanı tərk etməyimiz mümkün ehtimallardan biridi. Bəzi şeyləri dəyişmək məcburiyyətindəyik. Bir şey dəqiqdi ki, bu mövsümün qalan hissəsi hər birimiz üçün çətin keçəcək. Bu cür böyük klub tarixinin ən çətin dönəmlərindən birini yaşayır. Bu vəziyyətdən daha da güclü şəkildə çıxa bilərik. Amma bunun üçün ilk növbədə savaşmalıyıq''.
ƏLİ
Digər xəbərlər
