Dünən Çempionlar Liqasında qrup mərhələsinin 1-ci turu çərçivəsində ''Mançester Yunayted'' ''Bavariya''nın qonağı oldu.

“Football-plus.az” xəbər verir ki, çox çətin bir dönəmdən keçən və psixoloji cəhətdən yaxşı durumda olmayan ''Yunayted'' Münhendə 3 qol vursa da, sonda heç 1 xal da qazana bilmədi. ''Bavariya'' 4:3 hesabı ilə üstün olaraq qrupa 3 xalla start verdi. Bu nəticədən sonra manikunianlara aid ortaya bir sıra diqqət çəkən faktlar çıxdı. Məsələn, komanda tarixində cəmi 2-ci dəfə ÇL matçında 4 top buraxdı. Bu, daha öncə 1994-cü ilin noyabrın 2-də ''Barselona'' ilə oyunda (0:4) baş vermişdi. ''Qırmızı şeytanlar'' bu mövsüm keçirdikləri 6-cı rəsmi oyunda 4-cü məğlubiyyətlə üzləşdilər. Komandanın sonuncu dəfə belə bərbad startı 1986-cı ildə olmuşdu!

Ən əsası ''Yunayted'' ardıcıl 3-cü rəsmi oyunda ən azı 3 top buraxdı. Bundan əvvəlki 2 oyunda - ''Brayton'' və ''Arsenal''a qarşı matçlarda 1:3 hesablı məğlubiyyətlər qeydə alınmışdı. Bu, təxminən son 45 ildə komandanın ən pis seriyasıdı! ''Yunayted''in sonuncu dəfə ardıcıl 3 rəsmi oyunda ən azı 3 top buraxması faktı 1978-in dekabrında ''Bolton'' (0:3), ''Liverpul'' (0:3) və ''Vest Bromviç'' (3:5) ilə görüşlərdə qeydə alınmışdı.

ƏLİ