AFFA bu baş məşqçilər haqda hansı qərarı verəcək? - “ilkin danışıqlar olub…”
Artıq 2024-cü il sona çatdığına görə milli komandalar hesabatları rəhbərliyə təqdim edib.
Yayda aşağı yaş qrupları üzrə milli komnadalarımızın baş məşqçiləri ilə müqavilələr ilin sonuna qədər uzadılmışdı. Həmçinin U-21-in baş məşqçisi Samir Əliyevlə bağlı qərarın da ilin yekununda veriləcəyi deyilmişdi.
Təbii ki, 2025 daxil oldu, dəqiq qərar verilməlidi. İndi biz onlar barəsində ya keçmiş zamanda danışmalıyıq, ya da yenidən baş məşqçi kimi iş başında olacaqlar.
Bəs AFFA hansısa qərar veribmi? AFFA-nın Mətbuat və İctimaiyyətlə Əlaqələr departamentinin rəhbəri Elnur Məmmədli “Football-plus.az”ın sualını belə cavabladı:
“Texniki idman şöbəsi ilə U-19-un məşqçilər korpusu arasında müqavilə müddəti ilə bağlı ilkin danışıqlar olub. Son qərarı İcraiyyə Komitəsi verəcək. Aşağı yaş qrupu milli komandalarının yığmadakı müqaviləsinin müddəti bu gün başa çatıb".
RÖYANƏ OĞUZ
Digər xəbərlər
