İnkişaf Strategiyası ilin sonuna qədər təsdiqlənəcək!
AFFA-nın il boyunca İnkişaf Strategiyasının yazılması ilə bağlı görüşlər, tədqimatlar keçirdiyindən xəbərdarsız. Artıq təkliflər ümumiləşdirilib, müzakirələr sona çatıb.
Bəs yeni İnkişaf Strategiyası nə vaxt futbol ictimaiyyətinə açıqlanacaq? Yaxınlarda AFFA İcraiyyə Komitəsinin iclası gözlənilirmi? “Football-plus.az” bu sualları AFFA-nın Mətbuat və İctimaiyyətlə Əlaqələr departamentinin rəhbəri Elnur Məmmədliyə ünvanladı:
“AFFA İcraiyyə Komitəsinin növbəti toplantısının vaxtı hələ ki bəlli deyil. Amma iclasın qarşıdakı həftələrdə keçirilməsi planlaşdırılır. AFFA-nın İnkişaf Strategiyasının hazırlanması ilə bağlı proses isə davam edir. Təkliflər və rəylər üzərində iş davam etdirilir. AFFA İcraiyyə Komitəsinin növbəti iclasında strategiyanın qəbul edilməsi gözlənilmir. Lakin ilkin plana görə, strategiyanın ilin sonuna qədər təsdiqlənməsi gözlənilir”.
ƏSƏD SEYİDOV
