''Ardanın 3-4 yaşından ''top xəstəsi'' olduğunu hiss etməyə başladıq. Kəndə iki topla gəlirdi. Onlar partlamayana qədər çörək yemirdi və ancaq oynayırdı. Top partladıqdan sonra evə gələndə onun üzünü görürdük. Hər dəfə bizim evə qonaq gələndə topla 1-2 lampanı qırırdı. Ankarada öz evlərində də elə idi. Uşaq olduğu üçün heç birimiz heç nə demirdik. Hamımızın sevimlisi idi. Həyatında topdan başqa heç nə yox idi. Tez-tez onun başqa klublara gedəcəyi haqda xəbərlər oxuyuram. Amma zatən ''Real''ın prezidenti də dəfələrlə açıqlayıb ki, Ardanı heç yerə buraxmayacaqlar. 6 ili ''Real''da keçirəcək. Sonra nə olacağını isə görəcəyik. Mənim yeganə arzum odu ki, zədələnməsin və gözə gəlməsin. Bütün Türkiyə onu təqib edir. Qol vurduğu vaxt telefonum səhərə qədər susmur. Hər yerdən zənglər gəlir. Bu dərəcədə sevilir. Arda ilə ən son ötən həftə Boluda ''Təbiət Parkı''nda görüşdüm. Görüşümüz çox da uzun çəkmədi. 40-45 dəqiqə görüşdük, söhbət etdik. Onu görən kimi öpüb bağrıma basdım. Birlikdə qəhvəaltı etdik. Bilmirəm, bir də onu görmək mənə nə vaxt nəsib olacaq. Bir neçə dəfə İspaniyaya da gedib oyunlarını stadiondan izləmişəm. Amma mən ən çox yığma komandanın oyunlarını qaçırmamağa çalışıram. Oyunlardan öncə Ardaya zəng vuranda adətən zəng çatmır. Çox vaxt mesajlaşırıq. Amma hərdən o özü də zəng vurur. Əsas heyətdə olub-olmadığını soruşduqda əsasən ''hələ dəqiq bilmirəm'' deyir. İspaniya çempionatında oyunlar bizim vaxtla gecə 1-2-də bitir. Xanımımla hər zaman televizor başında sona qədər oturub izləyirik. Həmin an yaşadığım duyğular təkrarolunmazdı. Hələ üstəlik Arda qol vurduqda az qala sevincimdən ağlayıram. Hər zaman arzusu ən yüksək səviyyədə oynamaq və ulduz olmaq idi. Artıq bu arzusuna çatıb. Onu bütün dünya tanıyır. Amma bununla kifayətlənmək istəmir və ''bir nömrə olacam'' deyir. Hər halda yəqin ki, Messi ilə Kriştiano Ronaldonu da ötmək istəyir. Belə getsə, bu hədəfinə də çatacaq. Bu yaşda indidən bütün bunlara nail olubsa, məncə, qarşıdakı illərdə indikindən də güclü olacaq''.