Arda Gülərin transferi NATO-nun sammitində də müzakirə olundu!
Türkiyə futbolunun yeni göz bəbəyi Arda Gülər gündəmdən düşmək bilmir.
"Football-plus.az" xəbər verir ki, 18 yaşlı gənc ulduz “Real”ın heyətində məşqləri davam etdirir. Sosial şəbəkələrdə onun məşqlərdəki mükəmməl hərəkətlərinə və vurduğu qollara tez-tez rast gəlmək mümkündü. Bu arada daha bir komanda Ardanı icarəyə götürmək üçün “Real”a ağız açıb. Daha öncə Xabi Alonsonun çalışdırığı “Bayer-04”ün gənc vunderkindin xidmətində maraqlı olduği iddia edilmişdi. İspaniya mətbuatının yazdığına inansaq, indi də “Betis” Madrid nəhənginə müraciət edib. Ötən mövsümü 6-cı pillədə tamamlayan və Avropa Liqasında oynamaq haqqı qazanan sevilyalılar Türkiyə yığmasının üzvünü birilliyə icarəyə götürmək istəyirlər. Xəbərdə qeyd olunur ki, “Betis” icarəhaqqı ödəmək istəmir. Amma bu kollektiv Ardanın birillik maaşını boynuna götürməyə hazırdı.
Türkiyə yığmasının baş məşqçisi Ştefan Kunts isə vətəni Almaniya mətbuatına Arda Gülər ilə bağlı açıqlamalar verib. “Bild” nəşrinin əməkdaşları ondan bu transferə münasibət öyrəniblər. 61 yaşlı mütəxəssis bunları deyib:
“İndi onun etməli olduğu yeganə şey durmadan üzərində çalışmaqdı. Ona yeni futbol tanrısı kimi baxılır və hətta Messiyə bənzədilir. Amma məncə, hələ belə müqayisələr üçün çox tezdi. Əvvəlcə peşəkar futbola tam mənada uyğunlaşmalıdı. Yüksək səviyyəli məşqlər keçməli və ən əsası oyun praktikası qazanmalıdı. Həqiqətən də qeyri-adi istedadı var. Texnikası və ötürmələri mükəmməl səviyyədədi. Meydanı yaxşı görür və ətrafında başverənləri nəzarətdə saxlayır. Nə zaman hara qaçacağını gözəl bilir. Özünəməxsus oyun tərzi var. Bu xüsusiyyətlər öyrənməklə olmur. Bunlar anadangəlmə istedaddı. Amma ən yüksək səviyyədə rəqabətədavamlı olması üçün daha da güclü olmalı və fiziki cəhətdən inkişaf etməlidi. Mükəmməl karyera üçün təkcə istedad yetərli olmur. İndiyə qədər nail olduqları ilə kifayətlənməməlidi. Həmişə, hər gün yalnız məşq etməli və daha da inkişafa can atmalıdı”.
Bu arada ötən həftə “Real”la 6 illik müqavilə imzalayan Arda Gülərin transferi hətta NATO-nun Vilnüsdəki son sammitində də müzakirə mövzusu olub. Ölkə prezidentlərinin iştirakı ilə keçirilən Liderlər Zirvəsində İspaniya prezidenti Pedro Sançes Türkiyə prezidenti Rəcəp Tayyib Ərdoğanla görüşdə Ardanın transferini də müzakirə edib. Sançes Ərdoğanla görüşdən sonra keçirdiyi mətbuat konfransında bu məsələyə də toxunub: “Real” 18 yaşlı türkiyəli oyunçunu transfer edib. Eşitdiyimə görə, gənc yaşına rəğmən, çox böyük futbolçudu. Ona Madriddə bol şanslar arzulayıram”.
Digər xəbərlər
