Qış fasiləsi ərəfəsindəki son turun mərkəzi oyunu keçirildi.

“Bavariya” ilə “Leyptsiq”in budəfəki dueli unikal bir hadisə ilə start götürdü. Musiala 29-cu saniyədə hesabı açdısa, Şeşko 103-cü saniyədə bərabərlik qolunu vurdu. 61 illik bundesliqa tarixində ilk dəfə hər iki komanda oyunun ilk iki dəqiqəsində fərqlənməyi bacardı! Amma qalan müddətdə oyun, demək olar, təkqapı getdi. Rəqibdən bir baş üstün oynayan Münhen nəhəngi hələ fasiləyə qədər daha iki qol vuraraq intriqanı öldürdü. Nəticədə “öküzlər”i 5:1 hesabı ilə darmadağın edən “rekordmayster” ötən turda “Maynts-05”lə oyundakı məğlubiyyəti çox tez unutduğunu göstərdi. Son 5 turda 3-cü dəfə uduzan və liderdən 9 xal geri düşən “Leyptsiq”i isə çox güman, artıq çempionluq uğrunda mübarizədən silmək olar.

Ümumiyyətlə, belə görünür, bu mövsüm çempionluq mübarizəsində “Bavariya”nın yeganə rəqibi “Bayer-04” olacaq. Çünki digər komandalar gerilədiyi halda, Xabi Alonsonun yetirmələri əla nəticələr əldə edir. Bu tur son çempion doğma fanatları önündə “Frayburq”a heç bir şans vermədi. Halbuki qonaqlar tura 5-ci pillədə daxil olmuşdular. Şikin mükəmməl performansı sayəsində leverkuzenlilər 5:1 hesablı parlaq qələbə qazandılar. “Bayer-04” bütün turnirləri nəzər almaqla ardıcıl 8-ci qələbəsini qazandı. 5:1 şənbə gününün ən populyar hesabı oldu. Debütant “Holştayn” da doğma meydanda gözlənilmədən “Auqsburq”u məhz bu hesabla darmadağın etdi. Bununla da “Holştayn” son 16 ildə bundesliqada bir oyuna 5 qol vuran ilk debütant oldu. Sonuncu dəfə bunu 2008-in oktyabrında “Hannover-96”ya qarşı oyunda “Hoffenhaym” bacarmışdı (5:2). Tur digər debütant “Sankt Pauli” üçün də uğurlu alındı. Hamburq təmsilçisi gözlənilmədən çətin “Ştutqart” səfərindən minimal hesablı qələbə ilə qayıtdı.

Turun daha bir sürprizi Frankfurtda qeydə alındı. Ötən həftə “Bavariya”ya mövsümdə ilk məğlubiyyəti yaşadan “Maynts-05” bu dəfə səfərdə “Ayntraxt”ı məğlub etməklə 5-ci pilləyə yüksəldi. “Karnavalçılar” bu mövsüm səfərdə 6-cı dəfə bir oyuna ən azı 3 qol vurdular. “Böyük beşlik”də başqa heç bir komanda belə göstərici ilə öyünə bilməz! 3-cü pillə ilə 11-ci pillə arasında cəmi 6 xallıq fərqin olması onu göstərir ki, bu mövsüm bundesliqada ÇL-ə və avrokuboklara vəsiqə uğrunda sona qədər çox gərgin mübarizə izləyəcəyik.

Digər qarşılaşmalarda ilklər qeydə alındı. “Haydenhaym”ı 2 cavabsız qolla yenən “Bohum”, nəhayət, mövsümdə ilk qələbəsini qazandı. “Borussiya” isə “Volfsburq”u ilk yarıda vurduğu qollarla məhv etdi. Nuri Şahinin komandası bu mövsüm bundesliqada 7-ci səfər oyununda ilk dəfə qalib gəldi.

Brandt “Borussiya”nın heyətində 171-ci bundesliqa oyununda ilk dəfə hesabına həm qol, həm də məhsuldar ötürmə yazdı.

15-ci tur
Bavariya – Leyptsiq 5:1
Musiala, 1. Laymer, 25. Kimmix, 36. Sane, 75. Devis, 78 – Şeşko, 2. (75000)
Bavariya: Perets, Laymer (Pavloviç, 69), Upamekano, Kim Min Ce (Dayer, 82), Devis (Gerreyro, 82), Qoretska, Kimmix, Olise (Tel, 82), Musiala, Sane, Keyn (Müller, 87).
Leyptsiq: Qulaçi, Henrixs, Zayvald, Orban, Qeertruyda (Klostermann, 82), Nusa, Baumqartner, Şlager (Kampl, 74), Vermeeren (Raum, 82), Şeşko (Andre Silva, 74), Openda.

Volfsburq – Borussiya D 1:3
Vavro, 58 – Malen, 25. Bayer, 28. Brandt, 30. (28917)
Borussiya: Kobel, Qross, Əmrə Can, Şlotterbek, Bensebayni, Nmeça, Brandt (Reyna, 87), Malen (Anton, 64), Gittens (Adeyemi, 87), Bayer (Kouto, 75), Girassi.

Bayеr-04 – Frayburq 5:1
Şik, 45+1; 67; 74; 77. Virts, 51 – Qrifo, 55. (30000)
Bayer-04: Qradetski, Frimponq (Artur, 80), Tapsoba, Ta, İnkapye (Belosyan, 83), Qrimaldo (Mukiele, 80), Caka, Palasios, Tella (Terrye, 69), Virts, Şik (Qarsiya, 80).

Ştutqart – Sankt Pauli 0:1
Y.Eqqeştayn, 21. (60000)
Ştutqart: Nübel, Vaqnoman (Rider, 65), Ruo (Çeys, 46), Şabo (Ştensel, 74), Mittelştadt, Fürix, Kaytel (Malanqa, 89), Ştiller, Miyo, Voltemade, Demiroviç.

Ayntraxt F – Maynts-05 1:3
Kristensen, 75 – Kaua Santos, 15-öz qapısına. Nebel, 27; 58. (58000)
Ayntraxt: Kaua Santos, Kollins (Can Uzun, 46), Kristensen, Kox, Teate, Çaibi (Knauff, 60), Höylunn (Bahoya, 61), Braun, Skiri (Larsson, 46), Marmuş, Ekitike (Matanoviç, 71).

Verder – Union 4:1
Qrüll, 13; 17. Vayzer, 45. Staqe, 87 – Şafer, 23. (42100)

Hoffеnhaym – Borussiya M 1:2
Kramariç, 58-p. – Sander, 23. Plea, 61. (2893)

Holştayn – Auqsburq 5:1
Rozenbum, 12. Harres, 32; 35. Maçino, 39; 90+1 – Klod-Moris, 5. (14830)

Bohum – Haydenhaym 2:0
Broşinski, 6. Bero, 38. (24328)

1. Bavariya 15 11 3 1 47-13 36
2. Bayer-04 15 9 5 1 37-21 32
3. Ayntraxt F 5 8 3 4 35-23 27
4. Leyptsiq 15 8 3 4 24-20 27
5. Maynts-05 15 7 4 4 28-20 25
6. Borussiya D 15 7 4 4 28-22 25
7. Verder 15 7 4 4 26-25 25
8. Borussiya M 15 7 3 5 25-20 24
9. Frayburq 15 7 3 5 21-24 24
10. Ştutqart 15 6 5 4 29-25 23
11. Volfsburq 15 6 3 6 32-28 21
12. Union 15 4 5 6 14-19 17
13. Auqsburq 15 4 4 7 17-32 16
14. Sankt Pauli 15 4 2 9 12-19 14
14. Hoffenhyaym 15 3 5 7 20-28 14
16. Haydenhaym 15 3 1 11 18-33 10
17. Holştayn 15 2 2 11 19-38 8
18. Bohum 15 1 3 11 13-35 6

Bombardirlər: Keyn (Bavariya) – 14, Marmuş (Ayntraxt F) – 13, Burkardt (Maynts-05) – 10, Klayndinst (Borussiya M), Musiala (Bavariya), Şik (Bayer-04) – 9.

Növbəti turun oyunları gələn il yanvarın 10-12-si aralığında keçiriləcək: Auqsburq – Ştutqart, Borussiya M – Bavariya, Borussiya D – Bayеr-04, Frayburq – Holştayn, Haydenhaym – Union, Hoffеnhaym – Volfsburq, Maynts-05 – Bohum, Lеyptsiq – Verder, Sankt Pauli – Ayntraxt F.

Turun rəqəmi
50 – Xabi Alonso məşqçi kimi bundesliqada 75-ci oyununda 50-ci qələbəyə sevindi (17 heç-heçə, 8 məğlubiyyət). Bu, 50 qələbəyə ən tez çatmaq baxımından bundesliqa tarixinin ikinci ən yaxşı göstəricisidi. Yalnız Qvardiola “Bavariya”nı çalışdırdığı dönəmdə 50 qələbə həddinə daha tez – 61-ci oyunda çatıb.

Turun ulduzu
Patrik Şik (Bayer-04) – ötən mövsüm “Qarabağ”a da qənim kəsilən çexiyalı bundesliqada diqqətçəkən performans sərgiləməkdə davam edir. Təcrübəli forvard bu tur heç də zəif olmayan “Frayburq”la görüşdə coşaraq birdən-birə 4 qol vurdu. Bu, onun bundesliqada artıq ikinci pokeridi! Şik daha öncə 2021-in dekabrında “Qroyter”lə ev oyununda (7:1) da 4 qol vurmuşdu. Ən əsası Şik bundesliqada 124-cü oyunda vurduğu qolların sayını 62-yə çatdırdı. Bununla da o, Yan Kolleri (152 oyun, 61 qol) geridə qoyaraq turnirin tarixinin ən məhsuldar çexiyalı futbolçusuna çevrildi.

Turun sitatı
Coşua Kimmix, “Bavariya”nın yarımmüdafiəçisi: