Tur Frayburqda keçirilən məhsuldar oyunla start götürdü. “Volfsburq” bir saatın tamamında 3 top fərqi ilə geri düşdü. “Canavarlar” ötən tur “Maynts-05”lə oyunda olduğu kimi mükəmməl bir geridönüş etməyə səy göstərdilər. Amma Ralf Hazenyuttlın komandasının gücü yalnız fərqi minimuma endirməyə yetdi. Son 6 turda cəmi 1 məğlubiyyəti olan “Frayburq” bu qələbə sayəsində 5-ci pilləyə yüksəldi.

Turun əsas sürprizi Mayntsda qeydə alındı. Oktyabrın sonlarında “Bavariya” kubokun 1/16 finalında səfərdə “Maynts-05”i darmadağın etmişdi. Ona görə də yaxşı formada olan “rekordmayster”in budesliqada ilk məğlubiyyətini məhz bu tur yaşayacağını az adam proqnozlaşdırardı. Amma “karnavalçılar” Vensan Kompaninin komandasını dayandırmağı bacardılar. Düzdü, “Bavariya” üçün turnir cədvəli baxımından faciəvi bir şey baş vermədi. Komanda inamla liderliyi davam etdirir. Amma digər tərəfdən yenidən yaxşı sürət yığan “Bayer-04” münhenlilərin bu hədiyyəsindən yararlanmağı bacardı.

“Auqsburq”a heç bir şans verməyən və rəsmi matçlarda qələbə seriyasını 7-yə çatdıran son çempion həm 2-ci pilləyə yüksəldi, həm də liderlə xal fərqini 4-ə endirdi. Son vaxtlar uğurlu nəticələr qazanan “Verder” şimal derbisində səfərdə debütant “Sankt Pauli”yə heç bir şans vermədi. Bu, “musiqiçilər”in bu rəqib üzərində elitada ardıcıl 8-ci qələbəsidi. Bu seriya hələ 1996-da başlayıb. 2006-da ölkə kubokunun 3-cü mərhələsində qazanılan zəfər “Sankt Pauli”nin son 23 rəsmi oyunda “Verder” üzərindəki yeganə qələbəsidi. Digər debütant “Holştayn” üçün də tur uğursuz alındı və komanda Münhenqladbaxda darmadağın oldu. “Avrokubok zonası”ndan çox da geridə olmayan “Borussiya” evdə son 18 mümkün xalın 16-nı toplayıb. Turnir cədvəli baxımından heç bir prinsipial əhəmiyyət daşımayan “Union”la “Bohum”un dueli isə böyük qalmaqalla müşayiət olundu. Qonaqların vaxtı uzatmasına etiraz edən yerli fanatlar son anlarda əllərinə keçəni meydana atmağa başladılar. Qapıçı Drevesin başına alışqan dəyincə, o, xəsarət alaraq yerə yıxıldı. Nəticədə hakim hər iki komandanı paltardəyişmə otağına apardı və oyun yalnız 25 dəqiqədən sonra bərpa olundu. Dreves oyuna davam edə bilmədiyindən və “Bohum”da əvəzetmələr bitdiyindən qapıya hücumçu Filipp Hofmann keçməli oldu. Qalan müddətdə qol olmadı. Amma “Bohum” nəticədən razı deyil. Komanda rəqibə texniki məğlubiyyət verilməsi için Almaniya Futbol İttifaqına müraciət edib.

“Ştutqart” səfərdə inamlı qələbə qazandısa, turun mərkəzi oyununda “Leyptsiq” 2 həftə öncə kubokda olduğu kimi yenə evdə “Ayntraxt”ı məğlub etdi. “Borussiya”nı isə artıq indidən çempionluğa iddialılar siyahısından silmək olar. Çünki komanda yersiz xallar itirməkdə davam edir. Buna qədər “arılar” heç olmasa, evdə büdrəmirdisə, artıq bu seriyaya da son qoyuldu. Özü də bu tur məhz “Borussiya”nın sabiq futbolçusu Larsen komandaya qənim kəsildi.

14-cü tur
Maynts-05 – Bavariya 2:1
Li Ce Sun, 41; 60 – Sane, 87. (33305)
Bavariya: Perets, Laymer, Dayer (Tel .64), Kim Min Ce, Devis, Gerreyro (Qoretska, 58), Kimmix, Pavloviç (Boe, 58), Olise, Musiala, Sane, Müller.

Borussiya D – Hoffеnhaym 1:1
Reyna, 46 – Larsen, 90+1. (81365)
Borussiya D: Kobel, Kouto (Lürs, 85), Əmrə Can, Şlotterbek, Bensebayni, Nmeça, Qross (Qazbitser, 61), Bayer (Adeyemi, 46), Reyna (Vatyen, 76), Gittens (Dyuranvill, 76), Girassi.

Auqsburq – Bayеr-04 0:2
Terrye, 14. Virts, 40. (30000)
Bayer-04: Qradetski, Frimponq (Artur, 90+2), Tapsoba, Ta, İnkapye, Qrimaldo (Belosyan, 90+2), Caka, Andrix (Palasios, 87), Tella (Qarsiya, 87), Virts, Terrye (Şik, 68).

Lеyptsiq – Ayntraxt F 2:1
Şeşko, 19. Openda, 51 – Braun, 40. (40193)
Leyptsiq: Vandevoordt, Henrixs, Zayvald, Orban, Qeertruyda, Nusa, Şlager (Klostermann, 67), Kampl (Bitşiabu, 90+2), Baumqartner, Şeşko, Openda (Andre Silva, 82).
Ayntraxt: Trapp, Knauff (Bahoya, 75), Kristensen, Kox, Teate, Braun (Nkunku, 85), Larsson, Mahmud Dahud (Höylunn, 52), Can Uzun (Çaibi, 84), Ekitike (Matanoviç, 75), Marmuş.

Haydenhaym – Ştutqart 1:3
Vanner, 41 – Mittelştadt, 20. Miyo, 45+2. Voltemade, 85. (15000)
Ştutqart: Nübel, Vaqnoman (Sterjiu, 85), Ruo, Şabo, Mittelştadt, Ştiller (Dil, 89), Karazor, Miyo (Rider, 74), Fürix (Hendriks, 74), Voltemade, Demiroviç (Kaytel, 82).

Frayburq – Volfsburq 3:2
Kübler, 42; 51. Qreqoritş, 61 – Vind, 75. Svanberq, 83. (32600)

Borussiya M – Holştayn 4:1
Klayndinst, 1. Hak, 26. Plea, 43; 79 – Qiqoviç, 30. (52210)

Sankt Pauli – Verder 0:2
Kön, 24. Dukş, 54. (29546)

Union – Bohum 1:1
Hollerbax, 33 – Sissoko, 23. (22012)

1. Bavariya 14 10 3 1 42-12 33
2. Bayer-04 14 8 5 1 32-20 29
3. Ayntraxt F 14 8 3 3 34-20 27
4. Leyptsiq 14 8 3 3 23-15 27
5. Frayburq 14 7 3 4 20-19 24
6. Ştutqart 14 6 5 3 29-24 23
7. Maynts-05 14 6 4 4 25-19 22
8. Borussiya D 14 6 4 4 25-21 22
9. Verder 14 6 4 4 22-24 22
10. Volfsburq 14 6 3 5 31-25 21
11. Borussiya M 14 6 3 5 23-19 21
12. Union 14 4 5 5 13-15 17
13. Auqsburq 14 4 4 6 16-27 16
14. Hoffenhyaym 14 3 5 6 19-26 14
15. Sankt Pauli 14 3 2 9 11-19 11
16. Haydenhaym 14 3 1 10 18-31 10
17. Holştayn 14 1 2 11 14-37 5
18. Bohum 14 0 3 11 11-35 3

Bombardirlər: Keyn (Bavariya) – 14, Marmuş (Ayntraxt F) – 13, Burkardt (Maynts-05) – 10, Klayndinst (Borussiya M) – 9.

Turun rəqəmi
0 – “Bayer-04” bu tur səfərdə “Auqsburq”u məğlub etməklə unikal göstəriciyə nail oldu. Belə ki, son çempion 2024-cü ili bundesliqa çərçivəsində səfərdə uduzmadan tamamladı! Komanda bu təqvim ilində çempionatda rəqib meydanlarında keçirdiyi 17 oyundan 13 qələbə, 4 heç-heçə ilə ayrılmış oldu. Bu hadisə turnirin tarixində daha öncə yalnız iki dəfə baş vermişdi. Hər iki halda “Bavariya” (1986, 2013) təqvim ilini səfərdə uduzmadan tamamlamışdı. Maraqlıdı ki, “Bayer-04” bu ilin ilk səfər oyununda da məhz elə “Auqsburq”u yenmişdi.

Turun ulduzu
Li Ce Sun (Maynts-05) – təcrübəli koreyalı yarımmüdafiəçi hətta nəvələrinə də fəxrlə danışa biləcəyi bir qəhrəmanlığa imza atdı. Onun qolları sayəsində ortabab “Maynts-05” əzəmətli “Bavariya”nı məğlub etdi. Li Ce Sun bundesliqa tarixində Münhen nəhənginə qarşı oyunda dubl edən ilk asiyalı futbolçu oldu! 32 yaşlı futbolçu bu ilin mayında bundesliqanın digər nəhəngi Dortmund “Borussiya”sı ilə oyunda (3:0) da dubl etmişdi.

Turun sitatı
Vensan Kompani, “Bavariya”nın baş məşqçisi: