Dünən bundesliqada 23-cü turun açılış oyununda lider ''Bayer-04'' ''Maynts-05''i qəbul etdi.

Leverkuzen təmsilçisi Caka və Andrixin qolları ilə 2:1 hesablı qələbə qazanaraq ən yaxın izləyicisi ''Bavariya'' ilə xal fərqini 11-ə yüksəltdi! Münhen nəhəngi bu turun oyununu bu gün evdə ''Leyptsiq''ə qarşı keçirəcək. Ən əsası ''Qarabağ''ın Avropa Liqasının 1/8 finalındakı rəqibi olan ''Bayer-04'' Almaniya futbolunda yeni tarix yazdı.

Xabi Alonsonun komandası bu mövsüm keçirdiyi 33-cü rəsmi oyunda da uduzmadı (29 qələbə, 4 heç-heçə). Bu, yeni rekorddu. İndiyə qədər Almaniya futbolunda ardıcıl 33 rəsmi oyunda uduzmayan komanda olmamışdı. Əvvəlki rekord ''Bavariya''ya məxsus idi. Münhen nəhəngi Hans-Diter Flikin başçılığı altında 2019 dekabr - 2020 sentyabr aralığında 32 rəsmi oyundan 31 qələbə, 1 heç-heçə ilə ayrılmışdı. Yeganə fərq ondadı ki, ''Bavariya'' bunu iki fərqli mövsümün gedişinə yaymışdısa, ''Bayer-04'' rekordu bir mövsümün gedişində əldə edib.

ƏLİ