Tur cümə günü Frankfurtda start götürdü.

“Football-plus.az” xəbər verir ki, 2 qırmızı vərəqənin çıxdığı və 2 qolun vurulduğu qarşılaşmada “Ayntraxt”la “Verder” qalibi müəyyənləşdirə bilmədi.

Şənbə gününün oyunlarında maraqlı nəticələr qeydə alındı. “Köln” tarixində ilk dəfə 90-cı dəqiqəyə geridə daxil olduğu bir bundesliqa oyununda qələbə qazandısa, “Leyptsiq” Opendanın 2 qol və 2 məhsuldar ötürməlik mükəmməl performansı sayəsində səfərdə “Frayburq”u darmadağın etdi. “Öküzlər”in heyətində sonuncu dəfə bir oyunda 4 qolda yaxından iştirak edən futbolçu 2020-nin fevralında “Şalke-04” ilə matçda Nkunku olmuşdu (4 ötürmə). Həmin gün bütün diqqətlər Berlinə və Haydenhayma yönəlmişdi. “Bayer-04” “Union”la səfər matçında ideal oynamasa da, özünə lazım olan nəticəni qazanmağı bacardı. Virtsin ilk yarının son saniyələrində penaltidən vurduğu qol görüşdə yeganə oldu. Paytaxt təmsişçisinin bütün ikinci hissəni azlıqda keçirdiyini bildirək. Belə ki, Qosens fasilə ərəfəsində qırmızı vərəqə aldı. Maraqlıdı ki, son 6 turda 4-cü (!) dəfə “Bayer-04”ün rəqibi oyunu azlıqda başa vurdu. Leverkuzen təmsilçisi 28-ci turu da məğlubiyyətsiz bitirməklə Qvardiolanın “Bavariya”sının 2013/14-də müəyyənləşdirdiyi rekordu təkrarladı. İndi “aspirinlər”i çempionluqdan cəmi bir qələbə ayırır. Komanda artıq gələn tur həm çempionluğu rəsmiləşdirə, həm də növbəti dəfə yeni rekord müəyyənləşdirə bilər. Onu da bildirək ki, xal hesabında Xabi Alonsonun kollektivi artıq indidən şəxsi rekordunu yeniləyib.

“Bayer-04”ün belə erkən çempionluğa şığımasının bir səbəbi də “Bavariya”nın faciəvi nəticələridi. Sanki “rekordmayster” özü də “Bayer-04”ün tezliklə çempion olması üçün əlindən gələni edir. Cəmi 50 minlik əhalisi və 15 minlik stadionu olan Haydenhaym şəhərinin eyniadlı komandası bu tur bütün Avropanı mat-məəttəl qoydu. Halbuki “Bavariya” rahat şəkildə fasiləyə 2 topluq üstünlüklə yollanmışdı. Amma ikinci hissədə meydanda izahı mümkün olmayan şeylər baş verdi. 86 saniyə aralığında 2 qol vuran meydan sahibləri oyunun sonlarına yaxın daha bir top vuraraq tarixi qələbə qazandılar. “Rekordmayster”in necə kabus bir mövsüm keçirdiyini göstərən əsas fakt odu ki, komanda 2023/24-də artıq altı dəfə məğlub olub. Münhenlilərin sonuncu dəfə bundesliqada bir mövsüm ərzində 5-dən çox uduzmasına 2011/12-də rast gəlinmişdi. Komandanın sonuncu dəfə çempion ola bilmədiyi mövsüm də məhz elə 2011/12-di... Əslində “Bavariya” bundan sonra çempionluq haqda yox, ÇL-ə vəsiqə haqda düşünməlidi. Çünki 3-cü pillədəki “Ştutqart” artıq xal hesabında “Bavariya”ya çatıb! Tomas Tuxelin komandası 1-2 oyunda da xal itirsə, “Leyptsiq”lə “Borussiya”nın da “nəfəsini” hiss etməyə başlayacaq. Tarixinin ən yaxşı mövsümünü keçirən “Ştutqart” Dortmundu da fəth etməklə ÇL-ə vəsiqə yolunda mühüm bir addım atdı. Girassi mövsümdə 24-cü qolunu vurmaqla Mario Qomesin rekordunu təkrarladı. “Ştutqart” tarixində yalnız Qomes bir mövsümə (2008/09) bu qədər qol vurmuşdu. Eyni zamanda, elitada səfərdə qazanılan ardıcıl 5-ci qələbə də klub tarixi üçün yeni göstəricidi.

28-ci tur
Haydenhaym – Bavariya 3:2
Sessa, 50. Klayndinst, 51; 79 – Keyn, 38. Qnabri, 45. (15000)
Bavariya: Ulrayx, Kimmix, Upamekano, Kim Min Çje, Devis, Laymer, Qoretska (Saraqosa, 83), Müller (Gerreyro, 84), Musiala (Çupo-Motinq, 76), Qnabri (Tel, 67), Keyn.

Union – Bayer-04 0:1
Virts, 45+8-p. (22012)
Bayer-04: Qradetski, Tella (Frimponq, 79), Kossunu, Ta, İnkapye, Qrimaldo, Andrix, Caka, Virts, Hlojek (Adli, 32), Bonifeys (İqlesias, 67).

Borussiya D – Ştutqart 0:1
Girassi, 64. (81365)
Borussiya: Kobel, Ryuyerson (Roys, 81), Hummels, Şlotterbek, Maatsen (Mukoko, 82), Əmrə Can, Zabitser (Bayno-Gittens, 72), Brandt (F.Nmeça, 65), Sanço, Adeyemi, Füllkruq (Alle, 81).
Ştutqart: Nübel, Levelinq (Katompa Mvumpa 85), Vaqnoman (Stergiu, 46), Ştiller, İto, Mittelştadt, Karazor, Miyo (Mahmud Dahud, 86), Dəniz Undav (Ştensel, 90), Fürix (Çon Vu Yon, 68), Girassi.

Frayburq – Leyptsiq 1:4
Qrifo, 59 – Aydara, 2. Openda, 18; 44. Şeşko, 54. (33200)
Leyptsiq: Qulaçi, Henrixs (Simakan, 75), Orban, Lukeba, Raum, Şlager, Aydara (Zayvald, 83), Olmo (Baumqartner, 76), Simons (Klostermann, 90), Openda, Şeşko (Elmas, 83).

Ayntraxt F – Verder 1:1
Tuta, 77 – Velkoviç, 62. (55000)

Volfsburq – Borussiya M 1:3
Baku, 7 – İtakura, 52. Nqumu, 58. Rayts, 88. (26105)

Köln – Bohum 2:1
Tiqqes, 90. Valdşmidt, 90+2 – Passlak, 53. (50000)

Hoffenhaym – Auqsburq 3:1
Veqhorst, 17. Kramariç, 20. Bebu, 90 – Demiroviç, 61. (28881)

Maynts-05 – Darmştadt 4:0
Hançe-Olsen, 33. Qruda, 60. Li Çje Sun, 80; 84. (33000)

1. Bayer-04 28 24 4 0 69-19 76
2. Bavariya 28 19 3 6 80-36 60
3. Ştutqart 28 19 3 6 64-34 60
4. Leyptsiq 28 16 5 7 64-33 53
5. Borussiya D 28 15 8 5 55-33 53
6. Ayntraxt F 28 10 12 6 43-36 42
7. Auqsburq 28 9 9 10 45-46 36
8. Hoffenhaym 28 10 6 12 48-53 36
9. Frayburq 28 10 6 12 40-52 36
10. Haydenhaym 28 8 9 11 41-49 33
11. Borussiya M 28 7 10 11 49-54 31
12. Verder 28 8 7 13 36-44 31
13. Union 28 8 5 15 25-43 29
14. Volfsburq 28 7 7 14 34-47 28
15. Bohum 28 5 11 12 33-58 26
16. Maynts-05 28 4 11 13 26-46 23
17. Köln 28 4 10 14 23-49 22
18. Darmştadt 28 2 8 18 28-71 14
Bombardirlər: Keyn (Bavariya) – 32, Girassi (Ştutqart) – 24, Openda (Leyptsiq) – 21, Dəniz Undav (Ştutqart), Demiroviç (Auqsburq) – 15.
***
Növbəti turun oyunları aprelin 12-14-ü aralığında keçiriləcək: Borussiya M – Borussiya D, Auqsburq – Union, Darmştadt – Frayburq, Ştutqart – Ayntraxt F, Leyptsiq – Volfsburq, Bavariya – Köln, Maynts-05 – Hoffenhaym, Bayer-04 – Verder, Bohum – Haydenhaym.
***
Turun rəqəmi
2 – adətən, rekordları sıralayan “Bavariya” bu dəfə əksinə, bundesliqada daha öncə heç vaxt yaşamadığı fiaskoyla üzləşdi. Belə ki, Münhen nəhəngi tarixində ilk dəfə debütant statusunda olan komanda ilə qarşılaşmada 2 top fərqi ilə öndə olduğu halda, məğlubiyyətlə barışdı! Maraq üçün bildirək ki, “Bavariya” sonuncu dəfə debütantlardan 2010/11-in 2-ci turunda səfərdə “Kayzerslautern”ə boyun əymişdi (0:2).

Turun ulduzu
Tim Klayndinst (Haydenhaym) – “Leyptsiq”li Opendanın Frayburqdakı performansına baxmayaraq, tura məhz bu futbolçu damğa vurdu. Klayndinst “Bavariya”nın qapısına 2 mühüm qol vurmaqla Münhen nəhənginin onsuz da möcüzəyə bərabər olan çempionluq şanslarının üzərindən birdəfəlik xətt çəkdi. Ötən mövsüm 2-ci bundesliqada 25 qol vurmaqla “Haydenhaym”ın tarixdə ilk dəfə elitaya vəsiqə qazanmasında mühüm rol oynayan 28 yaşlı futbolçu bu mövsüm də bundesliqada vurduğu 11 qolla komandasının ən məhsuldar oyunçusudu.

Turun sitatı
Tomas Tuxel, “Bavariya”nın baş məşqçisi: