''Qalatasaray''da ulduzu parladıqdan sonra mövsümün əvvəlində 12 milyon avroya ''Benfika''ya transfer olunan türkiyəli vinger Kərəm Aktürkoğlu çox maraqlı bir olayla gündəmə gəlib.

Belə ki, Türkiyə yığmasının üzvü dünən nişanlanıb. Özü də Kərəm belə desək, qız istəməyə yaxın dostu, ''Qalatasaray''ın üzvü Yunus Akgün ilə birlikdə gedib. Kərəm əlində gül ilə çəkdirdiyi şəkili ''instaqram''ın hekayə bölümündə paylaşıb. O, şəkilə üzük işarəsi də əlavə edib.

Tanınmış futbolçunun nişanlanması böyük maraqla qarşılanıb. Kərəmin nişanlısının kimliyinə gəlincə, bu, əslən Kocaelidən olan Ceren Azakdı. Bu xanım bir təhsil mərkəzində müəllimə kimi çalışır. Maraqlıdı ki, Kərəm iki ay öncə canlı yayında fanatların suallarını cavablandırarkən həyatında heç kimin olmadığını demişdi.

İndiki transfer dəyəri 25 milyon avroya yüksələn Kərəm ''Benfika''da bu mövsüm 19 rəsmi oyunda 10 qol, 5 məhsuldar ötürməlik performans sərgiləyib.