Viktor Osimheni transfer etməklə Avropada bütün diqqətləri üzərinə çəkən ''Qalatasaray'' digər tərəfdən önəmli oyunçularından biri ilə vidalaşmalı oldu.

Kərəm Aktürkoğlunun ayrılığı nəhayət, rəsmən təsdiqini tapdı. Göstəriciləri pis olmamasına rəğmən tez-tez tənqid olunan və fanatlarla ulduzu barışmayan vinger ''Benfika''ya transfer olundu. Özü də Portuqaliyada transfer dönəmi bazar ertəsi başa çatdığından ''Benfika'' rəsmiləri gecikməmək üçün Kərəm ilə dünən birbaşa hava limanında rəsmi müqavilə imzaladılar!

Transferin detallarına gəlincə, İstanbul nəhəngi bu satışdan 12 milyon avro qazanacaq. Bundan başqa Türkiyə yığmasının üzvünün sonrakı satışından da ''sarı-qırmızılar''a 10 faiz pay veriləcək. Aktürkoğlu Lissabon nəhəngi ilə beşillik müqavilə imzalayıb. Onun illik maaşı isə 2 milyon avroya bərabər olacaq. ''Benfika'' 25 yaşlı oyuncunun müqaviləsinə 60 milyon avroluq sərbəst qalma maddəsi saldırıb. Kərəm Aktürkoğlu ''Qalatasaray''ın heyətində 179 rəsmi oyunda 46 qol, 42 məhsuldar ötürməlik performans sərgilədi.

ƏLİ