Türkiyə yığması Millətlər Liqasında öz qrupunda 2-ci oyununu keçirib.

İlk görüşdə Uels səfərindən qolsuz bərabərliklə ayrılan qardaş ölkənin komandası bu dəfə doğma fanatları önündə İslandiyanı qəbul edib. İzmirdə keçirilən oyunda Türkiyə 3:1 hesablı inamlı qələbə qazanıb. Matça damğa vuran futbolçu isə Kərəm Aktürkoğlu olub. Bir müddət öncə ''Qalatasaray''dan ayrılaraq 12 milyon avroya ''Benfika''ya transfer olunan 25 yaşlı vinger hər üç qolu aktivinə yazaraq het-trik edib.

Maraqlıdı ki, buna qədər Kərəm yığmada heç vaxt birdən artıq qol vurmamışdı. Türkiyə yığması tarixində 19-cu dəfə bir futbolçu bir oyunda ən azı 3 qol vurdu. Sonuncu dəfə bunu 2021-in martında Niderland ilə oyunda Burak Yılmaz bacarmışdı.

ƏLİ